Stardust (wahana antariksa)

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Stardust iku sawijining wahana angkasa antarplanèt Amérika Sarékat sing diluncuraké kaping 7 Februari 1999 déning NASA. Tujuawné yaiku nyelidhiki bahan pambentuk komèt Wild 2 lan komané.

Stardust nyedhaki Wild 2 kaping 21 Januari 2004. Ing pamaburan kasebut waana iki ngumpulaké conto awu komèt saka koma komèt kasebut lan njupuk gambar foto saka nukleusé sing katutup ès. Stardust bali menyang bumi kaping 15 Januari 2006 kanggo ngeteraké conto saka komèt kasebut ing sajroning kapsul. Nalika bali menyang bumi, wahana iki maju kanthi kacepetan 12,9 km/dhetik (28.860 mil per jam) sing andadèkaké minangka benda gawéyan manungsa paling cepet wektu mlebu atmosfir bumi. Kapsul Stardust sing isi sampel pisanan saka komèt sing kasil bali menyang bumi saiki disimpen ing hanggar Michael Army Air Field. Jroning misi kasebut, Stardust wis nempuh luwih saka 4 milyar mil lan ngorbit srengéngé kaping telu.

Pesawat iki uga nyedhaki asteroid 5535 Annefrank kanthi let 3.300 km ing tanggal 2 November 2002 lan njupuk sawetara foto.

Donald Brownlee, saka Universitas Washington, minangka panyelidhik utama tumrap misi Stardust.

Pranala jaba[sunting | sunting sumber]