Star Trek: The Original Series

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Star Trek utawa Star Trek: The Original Series iku sawijining acara télévisi Amérika Sarékat sing kapisan ditayangaké antara taun 1966 - 1969 lan diripta déning Gene Roddenberry. Acara iki ngenani sains fiksi, critané prastawa-prastawa sing kadadéan sajroning pesawat njaba angkasa USS Enterprise (NCC-1701) marang para awak pesawaté nalika nglelana ing antariksa.

Acara iki kalaksanan ing galaksi Bimasakti, sakiwa-tengené dasawarsa 2260. Awak pesawat dipimpin déning Kaptèn James T. Kirk, Doktor Spock lan Dokter Médis Leonard McCoy. Saben acara wiwit ana voice-over sing nyritakaké doné panglelanan pesawat:

Space: the final frontier. These are the voyages of the starship Enterprise. Its five-year mission: to explore strange new worlds, to seek out new life and new civilizations, to boldly go where no man has gone before.

Tegese: "Antariksa, wates pungkasan. Iki perkara panglelana Kapal Lintang Enterprise. Maksud misiné sing suwéné limang taun: njlajah donya anyar lan anèh, nggolèk kauripan lan kabudayan anyar, lan sacara kendel lunga menyang papan sing sadurungé durung tau diparani wong".

Acara séri TV iki diproduksi saka taun 1966-67 déning Desilu Productions, lan déning Paramaount saka 1968-69. Star Trek ditayangaké ing NBC saka tanggal 8 September 1966 nganti 3 Juni 1969. Senadyan acara iki irah-irahan asliné Star Trek nanging ing tembé diarani dadi Star Trek: The Original Series (cekakané Star Trek: TOS utawa TOS) kanggo mbédakaké acara iki saka acara-acara turunané. Acara Star Trek dijabel sawisé telung musim lan 79 épisode déning NBC, amerga wijiné asor. Senadyan mengkono, pangaribawané marang budaya populèr iku gedhé lan sérial iki dadi sérial cult klasik nalika tayangané diulang ing dasawarsa 1970-an. Sawisé iku acara iki dadi ndarbèni turunan lan kabangun saka sérial kartun, limang sérial TV tambahan, 12 film bioskop lan akèh buku, dolanan lan produk-produk liyané.

Konsèp[sunting | sunting sumber]

Ing abad kaping 23 umat manungsa ing Bumi wis bisa ngatasi masalah sosial lan ékonomi. Banjur manungsa wiwit njlajahi antariksa. Sawisé iku manungsa dadi nggawé pasekuton karo makluk-makluk njaba angkasa. Awak Kapal Lintang U.S.S. Enterprise iku werna-werna rupané, ora namung manungsa waé nanging saka akèh anggota Sarékat Fédérasi Antar Planèt. Kapal iki ditugasi kanggo nliti fénoména lan mungsuh-mungsuh sing durung tau diselidiki. Perkara iki dadi tantangan kusus Kaptèn James T. Kirk lan para prawirané .