Squirtle

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Squirtle

Squirtle utawi Zenigame (ゼニガメ?), inggih punika nama kanggé salah satunggaling spesies Pokémon wonten ing seri dolanan Pokémon ingkang dipunkembangaken déning parusahan Game Freak, kanggé konsol dolanan portabel saking Nintendo. Karakter punika dipunrancang déning tim perancang lan pangembang saking Game Freak lan dipunjangkepi déning Ken Sugimori. Wonten ing dolanan, Squirtle minangka salah satunggaling jinis Pokémon toya ingkang awujud bulus alit, ingkang ugi minangka Pokémon starter (Pokémon wiwitan ingkang saged kapilih déning pemain) wonten ing dolanan video Pokemon G1 (Red lan Blue), sesarengan kaliyan Charmander lan Bulbasaur, kalih Pokémon starter sanèsipun. Kados déné sapérangan Pokémon sansèipun, Squirtle saged ugi nindakaken evolusi (wonten ing dolanan punika sami paham minangka éwah-éwahaning bentuk lan karakteristik). Bentuk éwahanipun evolusi saking Squirtle inggih punika Wartortle (menawi dipunmainaken dumugi level 16), lajeng dados Blastoise (nalika dumugi ing level 36).

Kejawi wonten ing Pokemon G1, Squirtle ugi medal wonten ing seri Pokemon G3, inggih punika FireRed lan LeafGreen. Déné wonten ing serial anime, Ash Ketchum lan pacaripun, May kagungan ugi Pokemon jinis Squirtle, ingkang wekdal punika katitipaken wonten ing Professor Oak.

Desain lan karakteristik[sunting | sunting sumber]

Squirtle minangka salah satunggali saking 151 rancangan ingkang béda ingkang kasungsun déning tim perancang karakter saking Game Freak lan dipunpungkasaken déning Ken Sugimori kanggé dolanan Pocket Monsters Generasi kapisanan ingkang kanthi judhul Red and Green, ingkang dipunlokalisasikaken ing njawi Jepang minangka Pokémon Red and Blue.[1][2] Sajatosipun karakter kasebut dipunsukani nama "Zenigame" wonten ing basa Jepang. Nintendo milih nyaosi nama ingkang "pinter lan deskriptif" wonten ing maneka jinis (spesies) Pokémon kanthi panampilan lan cirinipun nalika nerjemahaken dolanan kasebut kangge para panganggo ing "Dunia Barat" kanthi ancas damel karakter kasebut langkung gampil sami paham déning laré-laré Amerika.[3] Nama Squirtle wonten ing basa Inggris asalipun saking tembung "squirt" (muncrat) lan "turtle." (bulus)[4] Wonten spekulasi bilih nama kasebut asalipun saking tembung squirrel," (tupai) lan "turtle," (bulus) amargi desain buntutipun ingkang mirip kaliyan buntut tupai (bajing).[5]

Evolusi[sunting | sunting sumber]

Wartortle[sunting | sunting sumber]

Wartortle

Wartortle (カメール Kameil?) inggih punika salah satunggaling karakter spesies Pokémon wonten ing seri dolanan lan waralaba Pokémon saking Jepang. Wartortle dipunsebut Kameil wonten ing basa Jepang, dipunkenal minangka Pokémon bulus, lan minangka evolusi saking spesies Pokémon Squirtle. Wonten ing dolanan video Pokémon, pemain saged pikantuk Wartortle sasampunipun Squirtle ingkang dipungadhahi dumugi ing level 16, lajeng Wartortle badhe evolusi dados Blastoise nalika dumugi level 36.

Blastoise[sunting | sunting sumber]

Blastoise

Blastoise inggih punika salah satunggaling jinis Pokémon toya kanthi wujud bulus ageng kanthi meriam ing gegeripun. Blastoise minangka evolusi saking Squirtle (fase kapisanan) lan Wartortle (fase kalih). Blastoise wonten ing urutan kaping 9 wonten ing Pokédex nasional.

Cathetan Suku[sunting | sunting sumber]

  1. ^ Staff. "2. 一新されたポケモンの世界" (in Japanese). Nintendo.com. Nintendo. p. 2. http://www.nintendo.co.jp/ds/interview/irbj/vol1/index2.html. Retrieved 2013-02-28.
  2. ^ Stuart Bishop (2003-05-30). "Game Freak on Pokémon!". CVG. Archived from the original on 2008-02-08. http://www.webcitation.org/5VSJaR6xT. Retrieved 2013-02-28.
  3. ^ Chua-Euan, Howard. "PokéMania", TIME, November 22, 1999. diaksès tanggal 2013-02-28. Archived from the original on 2013-02-28. 
  4. ^ "Pokemon Strategy Guide - IGNguides". IGN. http://guides.ign.com/guides/12045/squirtle.html. Retrieved 2013-02-28.
  5. ^ "Its name is a combination of squirrel and turtle". http://25.media.tumblr.com/10e0860fe14caeb0445345d67d20420a/tumblr_mfwhb2kEW01r81onco7_1280.jpg. Retrieved 2013-02-28.

Cithakan:Spesies pokemon Cithakan:Pokemon-stub

Sumber artikel punika saking kaca situs web: "http://jv.wikipedia.org/w/index.php?title=Squirtle&oldid=845365"