Sogok Untu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tusuk gigi dari kayu

Sogok Untu yaiku kayu utawa plastik cilik sing wujudé arep kaya biting sing digunakaké kanggo ngresiki sisa-sisa panganan sing nyelip ana ing sela-salané untu.[1] Sogok untu biasané duwé siji utawa loro pucuk sing lancip kanggo nyukil panganan sing isih kèri ing sela-selaning untu.[1]

Asal-usule Sogok Untu[sunting | sunting sumber]

Anané sogok untu kuwi wis suwé banget éwonan tahun kepungkur, menawa bisa dadi piranti ngresiki untu sing paling tuwa.[1] Sadurungé sikat untuk digawé, anggoné ngresiki untu, wong-wong nggunakaké kayu cilik sing bisa ndadèkaké untu resik.[1] Sogok untu sing nggawéné saka perunggu wis tau ditemokaké ing antarané perkakas-perkakas sing katut dipendhem ing jero kuburan-kuburan pra-sejarah ing Italia Utara lan Alpen Timur.[1] Sogok untu uga dingertèni ing Mesopotamia.[1]

Ana conto-conto sogok untu sing apik lan artistik saka pérak ing jaman kuna, utawa saka kayu mastis sing biasané dianggo karo bangsa Romawi.[1]

Rikala abad kaping 17, sogok untu dianggep barang mewah nganti dipadha-padhakake karo perhiasan permata.[1] Wong-wong jaman semono nggawe sogok untu saka emas banjur dihiasi karo watu-watu akik.[1]

Saiki, amerga ilmu kedhokteran gigi wis maju, pangganggonan sogok untu rada ora diéntuki, mula piranti-piranti liyané kaya benang untu lan sikat untu luwih disenengi.[1] Nanging merga ana terobosan mutakhir ing teknologi rasa, sogok untu tetep disenengi wong akeh.[1]

Negara bagiyan Maine ing Amerika Serikat dadi produsen paling gédhé kanggo sogok untu.[1] Ing Korea Selatan, kanggo ngoyak-ngoyak rakyaté supaya bisa ngajeni lingkungan, ana perusahaan nggawé sogok untu sing bisa dipangan. Sogok untu iki digawé saka tela, ketok bening lan empuk yen kena banyu panas.[1]

Bebayane nggunakake sogok untu[sunting | sunting sumber]

Sogok untu yaiku barang sing kerep digoléki, utamané sawisé mangan panganan sing akèh seraté kaya jangan-jangan lan daging.[2] Malah ora sithik wong sing ora bisa urip tanpa sogok untu, mula dhèwèkè mesthi nyiapaké sogok untu ing tasé.[2] Padahal, yen kerep-kerep nggunakaké sogok untu lan ora resik bisa mbebayani.[2] Nggunakaké sogok untu sing ora trep bisa natoni jaringan lunak ing sekitaré untu, banjur bisa ndadèkaké keradangan ing jaringan lunak mukosa rongga mulut.[2] Saliyane kuwi sogok untu bisa ndadekake untu tambah benggang amerga diameter sogok untu lumayan gedhe.[2] Iritasi lan trauma terus-terusan bisa ndadekake benjolan ing gingiva utawa gusi sing kerep diarani epulis.[2]

Epulis amerga nggunakake sogok untu kerep-kerep lan ora steril kuwi diarani Epulis Fibromatosa.[2] Epulis iki awujud benjolan lan duwé tangkai, empuk, wernane pucet, ora gampang metu getihe, lan ora lara.[2] Penanganané yaiku eksisi utawa diketok lan di kuretage utawa kuret jaringan lunak.[2] Kumaté penyaki iki yen kebiasaan nganggo sogok untu sig kereb banget lan ora steril tetep dilakoni.[2]

Cathetan Suku[sunting | sunting sumber]

  1. ^ a b c d e f g h i j k l m (id)Sejarah tusuk gigi (dipunundhuh tanggal 30 Agustus 2012)
  2. ^ a b c d e f g h i j (id)Bahaya Tusuk Gigi (dipunundhuh tanggal 3 September 2012)

Tèks kandel

Sumber artikel punika saking kaca situs web: "http://jv.wikipedia.org/w/index.php?title=Sogok_Untu&oldid=834094"