Snorkeling

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Snorkeling yaiku selam permukaan utawa ngambang ing banyu nganggo piranti snorkel lan kaki katak supaya gampang anggone nglangi.

Snorkel yaiku piranti kanggo nglangi kang wujude kaya aksara J kang ana palindung kanggo lambe ing pucuk ngisor. Piranti iki bisa kanggo dalan mlebu angin nalika ambegan nganggo lambe tanpa kudu metu seka banyu. Sinambi renang bisa ndelok kaendahan ana ing jroning banyu saka permukaan banyu lan ambegan sarana snorkel.

Sapa wae bisa nyoba snorkeling. Penyelam kang ora bisa renang utawa ora bisa ngapung bisa nganggo pelampung. Nalika nyelam ana ing banyu kang suhune rendah, penyelam bisa nganggo klambi kanggo nyelam supaya bisa njaga suhu lan ora kademen. Klambi selam kuwi mau uga bisa kanggo sarana supaya awak ora tatu amarga kena terumbu karang utawa entuban ubur-ubur.

Snorkeling ora perlu pendhidhikan khusus. Pemula bisa melu kursus singkat saka pemandu selam. Kepiya carane nganggo masker, snorkel, lan sikil kodhok diwarahi marang pemandu selam. Snorkeling iki dilakoni kanthi bebarengan utawa kelompok ora bisa dhewe-dhewe.

Snorkeling iki rekreasi kang wus kondhang, utamane ana ing resor pesisir tropis. Snorkeling uga bisa ana ing telaga utawa kali.

Sumber artikel punika saking kaca situs web: "http://jv.wikipedia.org/w/index.php?title=Snorkeling&oldid=879555"