Siomay

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
(Dipunpindhah saking Siomai)
Langsung menyang: pandhu arah, pados
Siomay

Siumaai.jpg

Siomai ala Kanton
Chinese name
Traditional Chinese: 燒賣
Simplified Chinese: 烧卖
Jeneng Vietnam
Vietnamese: síu mại

Siomai utawa siomay kalebu salah siji jinis dim sum.[1] Ing basa Mandarin, siomai diarani shaomai.[1] Ing basa Kanton siomai diarani siu maai.[1] Ing dialek Beijing, siomai diarani shaomai lan ditulis 燒麥.[1] Kulit siomai méh padha kaya kulit pangsit.[1] Siomai asalé saka Mongolia dalam.[1] Ing resep masakan Cina, siomai yaiku daging babi kang diiris lan dibungkus kulit tipis. [1]Kulit tipis iki digawé saka glepung utawa trigu. [1]Siomai uga digawé saka urang, daging pithing utawa daging sapi. [1]Siomai digawé kanthi bentuk silinder lan diwénéhi hiasan kayata endhog, pithing, parutan wortel utawa kacang polong.[1] Sawisé iku siomai banjur dikukus.[1] Siomai bisa dipangan nganggo cuka utawa kécap asin.[1]

Ing Indonésia ana werna bentuk lan isi siomai.[2]Wiwit saka siomai iwak tenggiri, daging pitik, urang, pithing, utawa campuran daging pitik lan urang.[2] Bahan kang kanggo ngisi dicampur karo trigu utawa tapioka.[2] Siomai uga ora dibungkus kulit kang digawé saka glepung utawa trigu.[2] Endhog pitik lan sayuran kayata kentang, peria, lan kul kanthi isi utawa tanpa isi disuguhaké ing piring bareng karo siomai.[2] Tahu bakso utawa tahu isi uga kalebu jinisé siomai.[2] Siomai utawa siomai Bandung disuguhaké sawisé diwénéhi saos kacang.[2] Saos kacang iki digawé saka kacang brol kang dialuské nganggo banyu.[2] Bumbu saos kacang yaiku lombok, gula pasir,bawang, uyah, lan cuka utawa jeruk limau. Nalika disuguhaké, siomai diwénéhi tambahan kécap legi, sambel botolan, utawa saos tomat.[2]

Chatetan suku[sunting | sunting sumber]

  1. ^ a b c d e f g h i j k l (en)dictionary.reference.com(dipunundhuh tanggal 12 Juni 2011)
  2. ^ a b c d e f g h i (id)[www.encyclopedia.com/doc/1O999-shumai.html|title=Shumai|publisher=The Oxford Pocket Dictionary of Current English, Encyclopedia.com encyclopedia.com](dipunundhuh tanggal 12 Juni 2011)

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Siomay&oldid=830563"