Singapore Flyer

Saka Wikipédia Jawa, bauwarna mardika basa Jawa
The Singapore Flyer
Lokasi Singapura Singapura
Status Selesai dibangun
Groundbreaking 25 September 2005
Dibangun 2005-2008
Pambukaan 11 Fèbruari 2008 (ruang winates)[butuh sitiran]
1 Maret 2008 (operasional)
15 April 2008 (resmi)
Panggunaan Kendaraan pengamatan
Payon 165 m (541 ft)
Area lantai 33,700 m2 (362,700 sq ft)
Biaya S$240 juta (US$180 juta) (£90 juta) (Rp.1,44 triliun [1])
Perusahaan
Arsitèk Kisho Kurokawa Architects & Associates, DP Architects
Insinyur
Struktural
Arup
Kontraktor Mitsubishi-Takenaka Consortium
Developer Melchers Project Management[butuh sitiran]
Pemilik Singapore Flyer Pte Ltd[butuh sitiran]

Singapore Flyer inggih punika kapsul pengamatan paling inggil ing donya,[2] kanthi inggil antawis 165 mèter, langkung inggil 5 mèter saking Star of Nanchang ing China lan 30 mèter langkung inggil saking London Eye ing Inggris. Singapore Flyer nawakaken sesawangan 3 nagara langsung, Singapura, Malaysia (Johor) lan Indonésia (Batam).

Kapsul pungkasan kapasang rikala 2 Oktober 2007, roda wiwit dipunputer rikala tanggal 11 Fèbruari 2008 lan Singapore Flyer dipunbikak kanggé umum wiwit tanggal 1 Maret 2008.[3] Tiket kasadé kanggé 3 ndalu pisanan kanthi regi S$8.888 (antawis Rp.63.993.600 [1], sawijining angka kabegjan miturut kapitadosan Tionghoa.[2] Nalika dipunbikak ingkang pisanan dados papan pengamatan sesawangan paling inggil ing Singapura.

Singapore Flyer kasungsun saking roda pengamatan kanthi diameter 150 mèter, wonten ing kliling roda mau wonten 28 kapsul kanthi pendingin udara ingkang saged nampung 28 tiyang, lan gedhong terminal 3 lanté ingkang wonten ing salebetipun wonten warung souvenir, restoran, lan bar. Kanggé satunggal puteran jangkep, Singapore Flyer mbetahaken wekdal 37 menit. Nalika wiwitan, Singapore Flyer muter kanthi nglawan arah jarum jam, nanging saking pamanggihipun para ahli Feng Shui, putaran Singapore Flyer dipunewahi tanggal 4 Agustus 2008.[4]

Lokasi[besut | besut sumber]

Singapore Flyer dumunung ing caket Marina Bay, Singapura, ingkang dipunkenal kanthi nama Marina Promenade. Singapore Flyer ugi dumunung ing sisih tikungan kaping 21 lan kaping 22 sirkuit F1 Marina Bay, Singapura.

Sajarah[besut | besut sumber]

Singapore Flyer rikala pisanan dipungagas awal 2000an déning Patrick MacMahon saking Melchers Project Management, sawijining naka parusahan saking Jerman Melchers. Rencana resmi dipunbiwarakaken nalika 2002. Sawijining parusahan énggal, Singapore Flyer Pte Ltd, dipunbentuk minangka pengembangipun, kanthi Melchers Project Management gadhah 75% sahamipun, sisanipun dipungadhahi déning Orient & Pacific Management.

Proyek punika kanthi resmi dipunbiwarakaken kanthi wiyar rikala 27 Juni 2003 déning Singapore Tourism Board kanthi dipuntapakasmani Nota kesepahaman (MoU), antawising pangembang lan Badan Pariwisata Singapura kanggé kalancaran prosès penguasaan lahan. Kanthi nota punika, badan pariwisata mundhut satunggal babagan lahan ing Marina Centre saking Singapore Land Authority lan nyewa panggangonan dhumateng pengembang kanggé 30 taun lan opsi nambah wekdal 15 taun malih. Lahan punika bébas béya sewa sadangunipun prosès pembangunan. Rikala Juli 2003, Jones Lang LaSalle katunjuk minangka penasehat pengembang. Takenaka Corporation lan Mitsubishi kapilih minangka kontraktor utama, lan Arup minangka konsultan struktur.

Rancangan awal nedahaken inggiling 169 m (554 ft) sami kaliyan London Eye, pikantuk kritik minangka karya tiruan. Pengembang nedahaken bilih punika sanès rancangan akir nanging minangka konsèp, salajengipun rancangan akir pikantuk sakedhik éwahan saking wiwitanipun. Lajeng, proyek punika meh mandheg nalika pengembang ngalami kasusahan dana kanggé yasa rodanipun. Rencana awal, roda badhé pungkasan dipundamel ing pungkasaning taun 2005 ingkang lajeng katundha. Sampet wonten lapuran (ingkang dipunbantah déning Singapore Tourism Board) bilih badan punika maringi wates akir ing tanggal 31 Maret 2005 dhateng pengembang saperlu nginformasikaken prakawis dana lan nyuwun pembangunan tetp lumampah.

Rikala September 2005, proyek punika kalaksanan malih sasampunipun pikantuk dana saking 2 bank Jerman. Collin William Page, anak perusahaan ABN AMRO nyamektakaken dana maksimal S$100 yuta (Rp.600 miliar [1]), lan tambahan S$140 juta (Rp.840 miliar [1]) saking HypoVereinsbank. Kanthi tambahan dana S$240 juta, sawijining investasi asing paling ageng ing donya hiburan Singapura, pembangunan dipunwiwiti pungaksaning wulan punika. Pemegang saham lajeng dados AAA Equity Holdings, Melchers Project Management, lan Orient & Pacific Management.

Rikala Agustus 2007, Florian Bollen, direktur Singapore Flyer Pte Ltd, minggahaken saham ing Singapore Flyer saking 60% dados 90% lumantar akuisisi Melchers Project Management's 30% saham. Pengalihan punika dipuntindakaken lumantar AAA Equity Holdings, sawijining parusahan investasi ingkang dipunpimpin déning Bollen. Orient & Pacific Management, gadhah sisanipun antawis 10% saham.

Rikala Maret 2010, Great Wheel Corporation, sawijining konsultan saking Singapore Flyer, inggih punika salah satunggal saking sapérangan parusahan ingkang dipuntudhing nindakaken penggelapan ingkang dipuntudhuhaken kejaksaan ing Berlin, Jerman. Nindakaken transfer antawis 3 juta (Rp.37,5 miliar [5]) dhateng parusahan ing KapuloanVirgin lan Inggris, lan pikantuk pembayaran bulanan sakitar €40.000 (Rp.500juta [5]) saking parusahan Jerman, Great Berlin Wheel ingkang gegayutan kaliyan Great Wheel ing Singapore. Satunggaling juru wicara kejaksaan atur pangandikan: "Kula mangertosi wonten kontraktor ingkang tanggel jawab tumrap pekerjaan "bohongan", lan kontrak punika kadamel kanggé kauntungan pribadi."[6]

Florian Bollen minangka direktur saking Great Wheel Corporation, kacathet ing Singapura minangka GWC Holdings, lan Singapore Flyer Pte Ltd. Juru wicara Singapore Flyer ngandharaken: "Roda pengamatan raksasa ing Berlin kapisah lan boten wonten gayutanipun kaliyan kepemilikan lan operasional Singapore Flyer. Great Wheel Corporation jugi sanès minangka péranganing Singapore Flyer. Sedaya penyelidikan kagayut ingkang wonten ing Berlin lan Great Wheel Corporation boten maringi prabawa tumrap operasional lan keuangan Singapore Flyer."[6]

Rencana pesaing[besut | besut sumber]

  • Beijing Great Wheel 208 m (682 ft), dipunyasa wiwit 2007 lan karantam pungkasan taun 2008,[7] nanging mandheg amargi parusahan kagayut bangkrut taun 2010.[8]
  • Great Dubai Wheel 185 m (607 ft) dipunusulaken déning Dubailand, ing Dubai, Uni Emirat Arab, karantam ing 2006 lan dipunbikak 2009.[9] Nanging dèrèng kawujud dumugi sapunika.
  • Voyager 180 m (590 ft) [10] dipunusulakan kaping wola-wali kanggé Las Vegas, Nevada.[11]. Dereng kawujud dumugi rancangan ingkang kaping 3(V3).[12]
  • Bangkok Eye 176 m (577 ft), ing caket Kali Chao Phraya ing Bangkok, Thailand, dipunbiwarakaken déning Bangkok Metropolitan Administration rikala 13 Oktober 2010, ingkang mbetahaken dana 30 miliar baht proyek dèrèng dipuntamtukaken.[13]
  • Great Berlin Wheel 175 m (574 ft) karantam dipunbikak ing taun 2008[14] nanging proyek mandheg sasampunipun ngadhepi prakawis dana.[15]

Cathetan suku[besut | besut sumber]

  1. a b c d 1S$ = Rp.6.000 (September 2005 & medio 2007) dan 1S$=Rp.7.200 (Maret 2008 waktu pembukaan) Yahoo! Finance
  2. a b World's biggest observation wheel set to spin in Singapore AFP
  3. "Singapore Flyer opens to the public from Saturday". Channel NewsAsia. 1 Maret 2008. Diarsip saka sing asli ing 2008-03-03. Dibukak ing 2013-02-17.
  4. "Feng Shui turns this wheel". The Straits Times. Diarsip saka sing asli ing 2010-08-04. Dibukak ing 17 Fèbruari 2013.
  5. a b €1 = Rp.12.500 (Maret 2010) Yahoo! Finance
  6. a b Firm linked to Flyer under German probe[pranala mati permanèn]
  7. (AFP) – 5 Nov 2007 (5 Novèmber 2007). "Beijing begins construction of world's biggest wheel". Afp.google.com. Diarsip saka sing asli ing 11 December 2007. Dibukak ing 17 Fèbruari 2013.{{cite web}}: CS1 maint: multiple names: authors list (link)
  8. Beijing Ferris wheel company in receivership
  9. "Great Dubai Wheel Gets the Green Light". Diarsip saka sing asli ing 2012-02-24. Dibukak ing 2013-02-17.
  10. "Voyager Entertainment International, Inc". Voyager-ent.com. Diarsip saka sing asli ing 2010-03-23. Dibukak ing 17 Fèbruari 2013.
  11. Mark E. Adams (31 Dhésèmber 1996). "Voyager Las Vegas". Vegastodayandtomorrow.com. Diarsip saka sing asli ing 2020-11-12. Dibukak ing 17 Fèbruari 2013.
  12. "Voyager Entertainment International, Inc". Diarsip saka sing asli ing 2011-03-09. Dibukak ing 2013-02-17.
  13. "BMA plans to build 'Bangkok Eye' on Chao Phya bank". Diarsip saka sing asli ing 2015-01-19. Dibukak ing 2013-02-17.
  14. "The Ferris Wheel near the Zoo has been approved". Aussichtsrad-berlin.de. Diarsip saka sing asli ing 2009-06-01. Dibukak ing 17 Fèbruari 2013.
  15. "Planned Great Wheel for I-Drive area of Orlando on hold". Sun-sentinel.com. Dibukak ing 17 Fèbruari 2013.[pranala mati permanèn]

Pranala njaba[besut | besut sumber]