Sindrom Klinefelter
Sindrom Klinefelter ya iku kelainan genetik ing wong lanang kang diakibataké déning akèhé kromosom X.[1] Wong lanang lumrahé nduwèni kromosom sèks arupa XY, nanging panyandhang sindrom klinefelter umumé nduwèni kromosom sèks XXY.[1] Panyandhang sindrom klinefelter bakal ngalami infertilitas, keterbelakangan mental, lan gangguan perkembangan ciri-ciri fisik ing antarané arupa ginekomastia (klenjar susu kang gedhé) lan mrebawani marang gedhéné payudhara, lsp.[1]
Laporan wiwitan ngenani sindrom klinefelter dikenalaké déning Harry Klinefelter lan kancané ing Rumah Sakit Massachusetts, Boston.[2] Nalika kuwi kacathet 9 pasien lanang kang duwé payudhara kang saya suwé saya gedhé, duwé rambut ing awak, tèstis saya cilik, ora patiya mampu mrodhuksi spèrma.[2] Ing taun 1950-an, para ilmuwan nemokaké menawa sindrom kang dialami déning 9 pasienmau disebabaké déning kromosom X tambahan ing wong lanang mula nduwèni kromosom XXY.[2] Ing taun 1970-an, para ilmuwan kandha menawa kelainan klinefelter minangka salah sawijining kelainan genetik kang ana ing manungsa ya iku 1 saka 500 nganti 1 saka 1.000 bayi lanang kang dilairaké bakal kena sindrom iki.[2]
Rujukan [sunting]
- ^ a b c Inggris)Surgisphere Corporation. Clinical Review for the USMLE Step 3. ISBN 978-0-9802103-7-8. Page.418
- ^ a b c d (en)"History of Klinefelter Syndrome", Clinaero, Inc., 2010.
