Simon tiyang Zelot

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Santo Simon tiyang Zelot
Simon the Zealot - Apostle.jpeg

Ikon Gréja Ortodoks Rusia karyanipun satunggiling pelukis taun 1720.
Rasul lan Martir
Miyos Abad sepindhah SM utawi M, Kana utawi Kanaan
Tilar donya ~107[1], kamungkinan Pella, Armenia utawi Suanir, Persia utawi Edessa
Dipun urmati ing Gréja Katulik Roma, Gréja Ortodoks, Gréja Ortodoks Orièntal, Gréja Koptik, Gréja Katulik Ritus Wétan, Gréja Anglikan, Gréja Lutheran.
Papan ziarah utama rélik wonten ing kathah papan, kalebet ing Toulouse lan Basilika Santo Petrus[2]
Dinten pèngetan 28 Oktober (Gréja Roma); 10 Mei (Gréja Koptik)
Atribut kapal, salib lan graji, ulam (utawi kalih iwak), tombak, dhayung[3]
Pangreksa kurir, tukang nggraji, tukang samak[4]
Gloriole.svg Portal Santo

Simon tiyang Zelot punika salah satunggil saking 12 rasul sepindhahipun Yésus Kristus miturut cathetan Prajanjian Énggal ing Alkitab Kristen. Panjenenganipun dipunsebat ugi minangka "Simon Kananaios" (utawi "Simon tiyang Kanani"). Tapak karasulanipun boten kathah dipuntepangi lan sekedhik seratan perkawis panjenenganipun.

Nami "Simon" kathah dipunsebutaken salebetipun Injil sinoptik lan Para Rasul, ingkang saged ngrujuk dhumateng rasul sanèsipun, tanpa panjlasan langkung tebih.

Simon ingkang ugi dipun paringi nami Petrus déning Yésus, lan Andreas sadhèrèkipun Simon, Yakobus lan Yohanes, Filipus lan Bartolomeus, Matius lan Tomas, Yakobus anak Alfeus, lan Simon ingkang dipunsebat tiyang Zelot, Yudas anak Yakobus, lan Yudas Iskariot ingkang salajengipun dados pengkhianat. (Lukas 6:14-16)

Kanggé mbèntenaken piyambakipun kaliyan Simon Petrus, panjenenganipun dipunsebat Kananious utawi Kananites (Matius 10:4; Markus 3:18) lan salebetipun dhaftar rasul ing Lukas 6:15, dipunambali ing Kisah Para Rasul 1:13. Tembung "Zelot" dipunturunaken saking basa Ibrani, qana, ingkang tegesipun "tiyang ingkang tekun" (basa Inggris: "The Zealous"). Tembung Zelot piyambak ugi saged ateges kitha Kana utawi dhaérah Kanaan.

Robert Eisenman (Eisenman 1997 kaca 33-34) nedahaken Zelot punika nami satunggiling klompok.

Salebetipun Prajanjian Énggal, Simon tiyang Zelot boten naté dipuntepangi minangka Simon sedhèrèkipun Yésus ingkang kaserat ing Injil Markus 6:3. Miturut Catholic Encyclopedia Simon ing périkop puniku inggih punika Simeon saking Yerusalem ingkang dipuntepangi minangka uskup Yerusalem kaping kalih.

Réferènsi[sunting | sunting sumber]

  • Eisenman, Robert. 1997. James the Brother of Jesus : The Key to Unlocking the Secrets of Early Christianity and the Dead Sea Scrolls. (Viking Penguin)

Pranala njawi[sunting | sunting sumber]


Rasul Yesus Kristus
Panginjil: Yohanes | Matius | Markus | Lukas
Sanèsipun: Petrus | Andreas | Yakobus | Filipus | Bartolomeus | Tomas/Didimus
Yakobus anak Alfeus | Simon tiyang Zelot | Yudas Tadeus | Yudas Iskariot ingkang dipungantos déning Matias
Sumber artikel punika saking kaca situs web: "http://jv.wikipedia.org/w/index.php?title=Simon_tiyang_Zelot&oldid=836854"