Sican

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sican utawi liger sapasang

Sican (analogi basa Inggris liger saking lion kalih tiger) punika campuran saking singa jaler kalih macan(sima) èstri. Dados punika taksih anggota jenis Panthera. Rupinipun kados singa ageng mawi garis-garis macan ingkang kasebar. Kados macan anging mboten kados singa, sican remen nglangi.

Silangan antawis macan jaler kalih singa èstri dipunwastani manga (basa Inggris: tigon).

Sican ingkang dipunmangèrteni punika wonten amargi dipun'damel' manungsa, inggih sengaja punapa mboten. Caranipun inggih ndèkèk singa kaliyan macan ing satunggiling papan ingkang katutup. Ing alam, singa kaliyan macan mboten manggèn ing papan kang sami - kalih spesies punika sapunika namung gesang bareng wonten wana Gir ing Indhia, sanadyan sedaya naté gesang bebarengan wonten Persia, Cinten kaliyan ugi Beringia. Anging sanadyana gesang bebarengan, mboten wonten laporan menawi kakalihipun naté silang.

Sican badanipun langkung ageng tinimbang macan utawi singa sanèsipun. Para pakar nggagas menawi singa èstri kaliyan sima jaler nurunaken gèn ingkang njabel patuwuhan ing para katurunanipun. Dados turunan saking singa jaler kaliyan sima èstri, sican mboten gadhah gèn punika dados saged tumuwuh langkung ageng tinimbang kakalihipun.

Sican ingkang fotonipun wonten inggil punika samangké papanipun ing Sierra Safari Zoo lan naminipun Hobbs. Piyambakipun larénipun satunggaling singa Afrika lan sima Bengali. Miturut anggota staf, sicanipun ungelipun kados singa lan saged nglangi kados sima. Lajeng awratipun 450 kilogram, kinten-kinten kaping kalihipun felidae ingkang ageng piyambak, sima Sibéria.

Sican jaler punika mandhul. Ingkang èstri biasanipun subur lan saged dipun silang kaliyan sima lan ngasilaken katurunan si-sican.


Sican ing budaya populèr[sunting | sunting sumber]

  • Paraga utama ing film Napoleon Dynamite nyatakaken menawi sican punika sato kéwan klangenanipun amergi kéwan-kéwan punika dipun ternakaken déné "baudipun ing ngèlmu gaib".[1]

Réferènsi[sunting | sunting sumber]

Priksani ugi[sunting | sunting sumber]

Pranala jawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Sican&oldid=803901"