Si Unyil

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Si Unyil iku film sèri télévisi Indonesia gawéyané PPFN sing disiyaraké saben dina Minggu ésuk ing stasiun TVRI. Acara kanggo bocah iki wiwit ana 5 April 1981 nganti 1993. Si Unyil karipta déning Suyadi.

Sinopsis[sunting | sunting sumber]

Critané magepokan karo murid-murid ing Sekolah Dasar (sing banjur saterusé bisa ngancik Sekolah Menengah Pertama). Lakoné Unyil. Tembung "Unyil" dijupuk seka tembung "mungil" sing tegesé "cilik".

Si Unyil iki nduwé sumbang sih marang kabudayan populèr ing Indonésia, ing antarané ukara "Hom-pim-pah alaiyum gambreng!" nganti paraga-paraga sing ana, kaya ta Pak Raden lan Pak Ogah sing kondhang kanthi pocapan "Cepèk dulu dong!"

Saiki, bonéka-bonéka Si Unyil dadi kolèksiné Museum Wayang ing Jakarta.

Sèkuèl[sunting | sunting sumber]

Film iki naté diangkat manèh dëning PPFN kanthi pramayoga saka Helmy Yahya ing taun 2001. Usahané gagal.

Ing taun 2007, paraga Unyil diangkat manèh déning stasiun tv Trans7 kanthi jeneng Laptop Si Unyil. Karakter, lagu pambuka, lan latar crita tetep kaya mbiyèn, kejaba ana owah-owahan anyar bèn bisa klop karo jaman. Pocapan Pak Ogah, sing mbiyèn "Cepèk dulu dong" saiki dadi "Gopèk dulu dong"; lan Unyil dikanthèni kanca-kancané ngrembug pendhidhikan nganggo laptop.

Paraga[sunting | sunting sumber]

Unyil, Ucrit, lan Usro
karakter utama ing film Si Unyil
Pak Raden
blangkonan lang njawani. Klambi beskap werna ireng lan nganggo tongkat. Bréngosé kandel. Kabèh sing kedadèn dirujuk menyang primbon. Tansah ngilari yèn ana kerjabakti ing désa Sukamaju kanthi alesan éncoké kumat.
Tokoh Pak Raden iki uga duwé sipat medhit karo tangga, saéngga woh pelemé asring dicolong Pak Ogah. Kaya lumrahé paraga sing turun ningrat, Pak Raden uga nduwé manuk perkutut sarta seneng nglukis. Lagaké cepet nesu nanging yèn ngguyu lakak-lakak. Pocapan sing kondang yaiku "Wé lah dalah."
Pak Ogah
dikenal amarga pengangguran lan sirahé gundhul. Senengé cangkruk nang pos rondha lan njaluki dhuwit. Kanca akrabé Pak Ablèh.
Ukara Pak Ogah sing paling kondhang yaiku "Ogah, aah" lan "Cepek dulu dong." Ogah iku tembung padinan sing tegesé "ora", lumrahé amarga males.Kayata kadadean kang dialami jroning film iki,Pak Ogah menawa dijak lunga utawa ditawani kerja bakti, watara males uga wegah dijak lunga/mergawé hawané pengen ning omah, Pak Ogah ngomong, "Ogah, aah." Menawa diangen-agen tembung "ogah" ndhuweni konotasi kurang sopan, menawa digunakake kanggo ngendikan karo wong kang luwih sepuh utawa kang luwih dhuwur statusé
"Cepek" kang ngandhut arti satus, kang dijupuk saka dialek Hokkian lan jroning kiasan sacara umum yaiku dhuwit receh logam utawa satus rupiah. Pak Ogah jroning film seri biasané ngijinake kebeh wong kang lewat ngarep gardu utawa bisa kasebut uga "rondan", Pak ogah ngomong cepek dulu dong.
Karana kamisuwuran seri Si Unyil, tembung Pak Ogah banjur kalebu dadi wahana populer lan didadekake tembung umum nyebut wong kang ora ndhuwe pangawean utawa tunakarya kang luwih seneng males-malesan lan ora seneng makarya kang abot-abot (rekasa). Kayata kang ana ing prapatan dalan kang rame, asring ana wong nanging ora polisi kang ngatur dalan (lalu-lintas).Kahanan mengkono dimumpangatake salah sijiné wong kanggo nata lajune lalu-lintas.Wong kang ngatur lalu-lintas kang ana ing prapatan dalan gedhé tapi dudu polisi uga njaluk dhuwit asring kasebut kanthi sesebutan Pak Ogah.


Paraga liyané
  • Kinoy
  • Meilani
  • Tina
  • Bun Bun
  • Pak Ableh
  • Cuplis
  • Pak Lurah
  • Endut
  • Mbok Bariah

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Si_Unyil&oldid=831716"