Shintai

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gunung Fuji menika shintai paling kondhang ing Jepang.

Miturut agami Shinto, shintai (神体? arti harfiah "awak kami"), utawi go-shintai (御神体? "awak sakral kami", menawi ater-ater go- dipunginakaken), menika objek fisik ingkang dipunpuja kuil Shinto ugi ing celakipun kanthi fungsi minangka papanipun roh/spirit utawi kami.[1] Shintai ingkang dipunginakaken Jinja Shinto ugi dipunsebut mitamashiro (御霊代? "gantosan spirit").[1]

Shintai menika sanès bagéyan saking kami, ananging namung papan sawetawis utawi lantaran ingkang damel piyambakipun saged dipunaksès déning manungsa biasa saéngga nggampilaken nglampahi pamujaan.[2] Shintai ugi raket kalihan yorishiro, inggih menika objek ingkang gadhah kekuwatan alam ingkang saged narik kawigatosan kami.

Deskripsi[sunting | sunting sumber]

Shintai ingkang asring dipunpanggihaken menika barang damelanipun manungsa kadosta pengilon, pedang, permata utawi raja brana (kados watu ingkang awujud koma ingkang dipunwastani magatama), gohei (tongkat ingkang dipunginakaken nalika ritual agami), lan patung kami ingkang dipunsebat shinzō (神像?),[3] namun ada pula yang berupa objek alami seperti batu, gunung, pohon, dan air terjun.[1] Saderengipun misahaken praktek pamujaan kami lan Buddha ing taun 1868 (shinbutsu bunri), satunggaling shintai saged ugi arupi patung dewa-dewi Buddha.

Shintai ingkang kawéntar menika pengilon minangka salah satunggaling Tanda Kebesaran Kekaisaran Jepang (Tiga Pusaka Keramat Jepang), Gunung Miwa, Gunung Nantai, Grojohan Nachi, lan watu Meoto Iwa. Kathah gunung kados Gunung Miwa utawi pagunungan (Kumano sanzan) dipunwastani shintai saéngga dipunsebat shintaizan (神体山? artinya "gunung shintai").[4] Ing antawisipun shintai kasebut ingkang paling kawentar menika Gunung Fuji.[5]

Satunggaling yokozuna, inggih menika pegulat kanthi peringkat paling inggil miturut piramida peringkat sumō, kalebet shintai gesang. Awit saking menika, pinggangipun dipunlilit kalihan shimenawa, inggih menika tali suci ingkang njagi objek sakral saking gangguan roh ingkang ala. Satunggaling kannushi, utawi pendeta Shinto saged dados shintai gesang nalika nglampahi upacara religius awakipun dipunlebeti déning kami.

Madegaken kuil énggal mbetahaken shintai ingkang sampun wonten saking jaman rumiyin utawi kedadosan amargi alam (tuladhanipun watu utawi grojogan ingkang dipunpitadosi minangka papanipun kami), ugi ingkang damelanipun manungsa. Tuladha ingkang kapisan menika grojogan Nachi, dipunpuja ing kuil Hiryū celak kalihan Kumano Nachi Taisha lan dipunpitados kanggé papan kami ingkang dipunsebat Hiryū Gongen.[6]

Pirsani ugi[sunting | sunting sumber]

Cathetan suku[sunting | sunting sumber]

  1. ^ a b c Shintai, Encyclopedia of Shinto
  2. ^ Smyers, page 44
  3. ^ Kami are as a rule not represented in anthropomorphic or physical terms, however numerous paintings and statues representing them have appeared under Buddhist influence.
  4. ^ Ono, Woodard (2004:100)
  5. ^ For details on Mount Fuji worship, see Fuji Shinkō, Encyclopedia of Shinto.
  6. ^ Kamizaka, Jirō. "Hiryū Gongen" (in Jepang). Ministry of Land, Infrastructure and Transport - Kinki Regional Development Bureau. http://www.kkr.mlit.go.jp/wakayama/rekishi/disco131.html.

Referensi[sunting | sunting sumber]

  • Encyclopedia of Shinto, Shintai,
  • Sokyo Ono, William Woodard (2004). Shinto - The Kami Way. Tuttle Publishing. ISBN 978-0-8048-3557-2.
  • Smyers, Karen Ann (1999). The Fox and the Jewel: Shared and Private Meanings in Contemporary Japanese Inari Worship. Honolulu: University of Hawaii Press. ISBN 0-8248-2102-5. OCLC 231775156.
  • Basic Terms of Shinto. Tokyo: Kokugakuin University, Institute for Japanese Culture and Classics. 1985.
Sumber artikel punika saking kaca situs web: "http://jv.wikipedia.org/w/index.php?title=Shintai&oldid=851827"