Shinobi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sketsa ninja karya seniman Hokusai. Teknik cetak kayu ing kertas. Hokusai manga, volume nem, 1817.

Shinobi utawa Ninja (忍び utawa 忍者?) (ing basa Jepang, manut harfiah maknané "wong kang mlaku sacara rahasia") yaiku telik sandi ing zaman feodal ing negara Jepang kang wis dilatih khusus seni ninjutsu (seni pergerakan sunyi) Jepang.[1] Kaya samurai, para Shinobi uga patuh karo peraturan khasé dhéwé , kang disebut ninpo.[1] Miturut para pengamat ninjutsu, kapinterané shinobi kuwi ora kanggo mateni, nanging kanggo telik sandhi.[1]

Shinobi nganggo klambi kang nutupi sakujuré awak kejaba telapak tangan lan bagéyan mata.[1] Klambiné kuwi diarani shinobi shozoko. shinobi shozoko ana telung werna.[2] kang Baju werna ireng biasa dienggo nalika tugas ing wayah wengi lan bisa dadi tandha yèn targèté wis mesti mati.[2] Werna putih kanggo tugas nalika wayah salju.[2] Werna ijo dadi kamuflase supaya ora bisa didelok nalika ning alas.[2]

Shinobi shozoko duwé sak akèh banget ing jeroné lan jabané.[2] Saké kuwi kanggo nyimpen gaman-gaman cilik lan barang kang dibutuhaké, kayata racun, shuriken, pisau, bom asap lan liya-liyané.[2] Shinobi uga gawa kotak P3K cilik tradisional, kang isiné obat lan banyu.[2] Shinobi uga nganggo tabi(sepatu) kang kaya sepatu boot.[2]

Cathetan suku[sunting | sunting sumber]

  1. ^ a b c d (id)Shinobi(3 Oktober 2011)
  2. ^ a b c d e f g h (en)Shinobi(3 Oktober 2011)
Sumber artikel punika saking kaca situs web: "http://jv.wikipedia.org/w/index.php?title=Shinobi&oldid=832930"