Ratu Shima

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
(Dipunpindhah saking Shima)
Langsung menyang: pandhu arah, pados

Shima iku ratu panguwasa Karajan Kalingga sing dumunung ing pesisir lor Jawa Tengah watara taun 674 Masèhi. Shima matrapaké hukum sing tegas kanggo brantas kadurjanan, sarta kanggo nyurung supaya rakyaté tansah jujur. Tradhisi nyaritakaké yèn ana raja manca sing dèlèh kanthong isi emas ing satengahé simpang dalan cedhak alun-alun ibu kutha Kalingga. Raja manca iki duwé niat nguji bener salahé warta yèn rakyat Kalingga iku jujur. Ora ana siji-sijia warga Kalingga sing wani nyénggol kanthong sing dudu duwèké iku, nganti sawijining dina telung taun sawisé kuwi, putra Shima sacara ora sengaja nyénggol kanthong mau nganggo sikilé. Sang Ratu banjur nibakaké ukuman pati marang putrané, nanging para pejabat lan mentri kerajan nyuwun supaya Sang Ratu paring pangapura marang sang pangéran. Amarga sikil sang pangeran sing nyénggol barang sing dudu duwèké iku, mula Ratu matrapaké ukuman ngethok sikilé sang pangeran.[1]

Miturut Carita Parahyangan Cicit Ratu Shima ya iku Sanjaya sing dadi Raja Galuh, lan miturut Prasasti Canggal minangka pangadeg Krajan Medang ing Mataram. Adhedhasar Naskah Wangsakerta disebutaké yèn Ratu Shima bésanan karo panguwasa pungkasan Tarumanegara.

Rujukan[sunting | sunting sumber]

  1. ^ Drs. R. Soekmono, (1973 edisi cetak ulang ke-5 1988). Pengantar Sejarah Kebudayaan Indonesia 2, 2nd ed.. Yogyakarta: Penerbit Kanisius. p. 37.
Sumber artikel punika saking kaca situs web: "http://jv.wikipedia.org/w/index.php?title=Ratu_Shima&oldid=887514"