Shamanisme Korea

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Persiapan kanggé upacara gut ing Korean Folk Village

Shamanisme Korea menika kapitadosan asli rakyat Korea ingkang nggabungaken manéka kapitadosan la praktek ingkang dipunpengaruhi déning agama asli Korea, agama Buddha, lan Taoisme. Wonten ing Basa Korea, shamanisme dipunsebat mu (무) lan sang pemraktik dipunwastani mudang (무당, 巫堂) [1]. Tugas mudang menika padatanipun déning wanita ingkang ngampahi kontak utawi ngubungaken antawisipun dewa lan manungsa. Shamanisme menika sampun dados satunggaling kapitadosan kagem tiyang-tiyang Kuno Korea. Minangka kapitadosan masarakat, shamanisme pitados bilih antawisipun awaking manungsa menika kapérang dados awak jasmani lan rohani, malah kadang kala ing satunggal jasmani wonten pinten roh [2]. Shaman ngawontenaken gut utawi upacara persembahan kanggé damel mari, mbeta kabegjan sarta dados lantaran antawisipun dewa kanthi cara kerasukan. Upacara gut ugi dipunwontenaken kanggé mbimbing arwah tiyang ingkang sampun séda dhateng swarga.

Kapitadosan masarakat Korea dhateng dukun utawi shaman menika ing kathah aspèk pagesangan. Shamanisme Korea menika akaripun saking kabudayan kuno ing wilayah timur laut Asia. Kapitadosan menika kalebet sistem kapitadosan masarakat kuno ingkang dados pérangan ingkang wigati ing warisan kabudayan Korea. Kanthi dhasar kapitadosan animisme, Shamanisme langkung condhong ing ritual utawi upacara ramalan déning dukun ( mudang ) ingkang kathahipun ingkang dados mudang menika priyantun èstri [1].

Asal usul tembung[sunting | sunting sumber]

Tembung shaman dipunpendhet saking Basa Tungusik ingkang dipunginakaken déning suku Bangsa Tungusik ing wilayah Siberia lan Asia Tengah. Istilah shaman wiwit dipunginakaken kanthi wiyar awit saking panerbitan karyanipun Mircea Eliade kanthi irah-irahan "Shamanism; Archaic Techniques of Ectasy" (Shamanisme; Teknik Kuno Mencapai Ekstasi). Eliade nyebat shamanisme minangka teknik esktasi, boten sami kaliyan wujud ilmu hitam, sihir, utawi pengalaman ekstasi keagamaan.

Dhasar ngawontenaken ritual[sunting | sunting sumber]

Kanthi umum, anggenipun ngawontenaken ritual menika kanthi dhasar wonten ing ngandhap menika :

  • Ritual kanthi ancas nyuwun kabecikan. Tuladhanipun nyuwun supados panenipun kasil déning para kaum petani. Ugi wonten ritual sedekah laut ingkang dipunadani déning para kaum nelayan.
  • Ritual kanthi ancas nolak penyakit. Masarakat Korea ing jaman rumiyin pitados bilih penyakit amargi roh-roh ingkang ala lan namung shaman ingkang saged ngobati.
  • Ritual kanthi ancas ngeter roh-roh tiyang ingkang sampun séda dhateng swarga [2].

Cathetan suku[sunting | sunting sumber]

  1. ^ a b [1] (id) Gut - Perdukunan yang dilestarikan ( dipun-akses tanggal 10 Januari 2013 )
  2. ^ a b [2] (id) Shamanisme dan Konfusianisme di Korea ( dipun-akses tanggal 10 Januari 2013 )
Sumber artikel punika saking kaca situs web: "http://jv.wikipedia.org/w/index.php?title=Shamanisme_Korea&oldid=840004"