Shalat Ied

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Suasana Shalat Ied ing manca
Artikel iki bagéyan saka sèri
Islam
Allah1.png
Rukun Islam
Syahadat · Shalat · Pasa
Zakat · Kaji
Rukun Iman
Allah · Al-Qur'an · Malaikat
Nabi · Dina Akhir
Qada & Qadar
Tokoh Islam
Muhammad SAW
Nabi & Rasul · Sahabat
Ahlul Bait
Kota Suci
Mekkah ·Madinah · Yerusalem
Najaf · Karbala · Kufah
Kazimain · Mashhad ·Istanbul
Riyaya
Hijrah · Idul Fitri · Idul Adha
· Asyura · Ghadir Khum
Arsitektur
Mesjid ·Menara ·Mihrab
Ka'bah · Arsitektur Islam
Jabatan Fungsional
Khalifah ·Ulama ·
Imam·Mullah·Ayatullah · Mufti
Teks & Hukum
Al-Qur'an ·Hadist · Sunnah
Fiqih · Fatwa · Syariat
Mazhab
Sunni
Hanafi ·Hambali
Maliki ·Syafi'i
Syi'ah
Rolas Imam
Ismailiyah·Zaidiyah
Liyané
Ibadi · Khawarij
Murji'ah·Mu'taziliyah
Delengen uga
Portal Islam
Indeks perkara Islam

Shalat Ied iku shalat sing diayahi nalika mahargya dina riyaya Islam Idul Fitri lan Idul Adha. Shalat Ied iku hukumé sunnah, tegesé antuk pahala yèn ditindakaké nanging ora dosa yèn ditinggalaké. Shalat iki senadyan sunnah nanging dianjuraké banget saéngga dianjuraké supaya diayahi lan ora ditinggalaké. Malah ana sawetara sing nganggep wajib tumrap wong lanang lan wadon kanthi dhasar hadis saka Ummu ‘Athiyah, panjenengané ngendika: أَمَرَنَا – تَعْنِى النَّبِىَّ -صلى الله عليه وسلم- – أَنْ نُخْرِجَ فِى الْعِيدَيْنِ الْعَوَاتِقَ وَذَوَاتِ الْخُدُورِ وَأَمَرَ الْحُيَّضَ أَنْ يَعْتَزِلْنَ مُصَلَّى الْمُسْلِمِينَ. “Nabi shallallahu ‘alaihi wa sallam mrintahaké marang kita nalika shalat ‘ied (Idul Fithri lan Idul Adha) supaya ngetokaké para wanita (sing nembé ngancik diwasa) lan wanita sing dipingit, semono uga wanita sing pinuju haidh. Nanging panjenengané mrintahaké wanita sing pinuju haidh supaya ngadohi papan shalat.[1]

Alesan wajibé shalat ‘ied diandaraké déning Shidiq Hasan Khon (murid Asy Syaukani).

  • Pisanan: Rasulullah shallallahu ‘alaihi wa sallam terus-terusan nglakoni.
  • Kaloro: Nabi mrintahaké marang kaum muslimin supaya metu saka omah kanggo ngayahi shalat ‘ied. Printah metu saka omah iki nuduhaké printah supaya ngayahi shalat ‘ied tumrap sing ora pinuju udzur. Bab iki dianggep wajib metu saka omah amarga metu saka omah arupa wasilah (dalan) tumuju shalat. Yèn wasilahé waé diwajibaké, mula tujuané (ya iku shalat) otomatis uga wajib.
  • Katelu: Ana printah jroning Al Qur’an sing nuduhaké wajibé shalat ‘ied ya iku firman Allah Ta’ala,

Adegaké shalat lan anakakéqurban (an nahr). (QS. Al Kautsar: Maksud ayat iki ya iku printah supaya ngayahi shalat ‘ied.

  • Kapapat: Shalat jum’at dadi gugur tumrap wong sing wis ngayahi shalat ‘ied yèn kaloro shalat kasebut ketemu ing dina ‘ied. Kamangka sawijining tumindak sing wajig mung bisa diguguraké déning sing uga wajib. Yèn shalat jum’at iku wajib, semono uga shalat ‘ied.[2]

Shalat Idul Fitri[sunting | sunting sumber]

Shalat Idul Fitri biasané dianakaké ing lapangan. Déné hukum Shalat Idul Fitri yaiku sunnah mu'akkad. Sadurungé shalat, kaum muslimin ngumandhangaké takbir.

Takbir dikumandangaké sawisé teka sasi Syawal. Saliyané ngayahi Shalat Sunnah Idul Fitri, kaum muslimin uga diwajibaké bayar zakat fitrah[3][4] sing akèhé saben wong 2,7 kilogram bahan panganan pokok. Tujuan sakai zakat fitrah iki kanggo andum kabegjan marang para fakir miskin. Sawisé shalat disunnahaké midhangetaken kutbah sing diterusaké maca donga. Sawisé rampung, kaum muslimin banjur padha salaman silih apura siji lan sijiné. Kadhangkala ana sing diterusaké ngayahi ziarah kubur.[5]

Tradhisi sing biyasa dilakoni ing Indonésia saben ngadhepi dina dina Iedul Fitri ya iku arupa silaturahmi marang wong tuwa lan sanak kadang liyané. Kanggo kaperluan silaturahmi lan njaluk ngapura marang wong tuwa iki banjur akèh wong sing mulih menyang kampung asalé sing kerep disebut acara mudik. Tradhisi mudik iki nyebabaké dalan-dalan banjur dadi macet. Tradhisi liya sing lumrah ya iku mangan kanthi menu utama arupa kupat sing biyasané nganggo lawuh opor utawa jangan lodhèh.

Tata cara shalat Idul Fitri[sunting | sunting sumber]

Shalat Iedul Fitri diayahi rong rakaat . Ing rokaat pisanan sawisé takbiratul ihram ditambah takbir kaping pitu, lan ing rakaat kapindho takbir kaping lima. Ing antarané takbir mau dianjuraké maca hamdallah, muji Gusti Allah lan shalawat marang Nabi Muhammad S.A.W. Sawisé takbir tambahan, imam shalat maca ta’awudz, surat Al Fatihah banjur maca surat Al-Quran kanthi kombinasi:

Tatacara sabanjuré padha karo ing shalat-shalat liyané. Sawisé rampung shalat Idul Fitri dianjuraké ngrungokaké kutbah.

Adab Shalat Id[sunting | sunting sumber]

Adab-adab shalat Idul Fitri:

  • Adus sadurungé mangkat shalat (H.R.Imam malik).
  • Nganggo wangi-parfum, untuk laki-laki, lan bersiwak (sikat gigi).
  • Nganggo sandhangan sing paling apik (H.R.Bukhari, Muslim).
  • Shalat shubuh dhisik sadurungé mangkat (H.R.Bukhari, Muslim).
  • Mangan dhisik sadurungé mangkat (H.R.Bukhari). Mangan sacukupé waé. Béda karo shalat idul adha sing kudu ora mangan dhisik.
  • Disunnahaké mlaku tumuju lokasi, yèn bisa (H.R.ibnu majah).
  • Lokasi shalat ing lapangan (H.R.Bukhari, Muslim)
  • Takbir kanthi swara (ora mung jroning ati) nalika tumuju lokasi shalat (Qs.Al-baqarah: 185).
  • Ora shalat sunnah sadurungé lan sawisé shalat Id yèn ora ing jero masjid.
  • Ora ana adzan lan iqamah (H.R.Muslim).
  • Wanita tumuju lokasi kanthi nutup aurat-nganggo jilbab lan tanpa wangèn-wangèn.
  • Silih ngucapaké salam. Niru lelaku sahabat Rasulullah SAW. Saka Jubair bin Nufair, panjenengané ngendika : "sahabat rasulullah SAW yèn ketemu ing dina Ied, silih ngucapaké - taqabballahu minna wa minkum (muga-muga Allah nampa amal kita lan amal panjenengan sami)" (H.R.Bukhari).

Wacan takbir yakuwi:

Arab Latin Terjemahan
الله أكبر الله أكبر الله أكبر Allahu akbar, Allahu akbar, Allahu akbar Allah Maha Agung, Allah Maha Agung, Allah Maha Agung
لا إله إلا ال la ilaha illa Allah Ora ana Gusti kajaba Allah
الله أكبر الله أكبر Allahu akbar, Allahu akbar Allah Maha Agung, Allah Maha Agung
ولله الحمد wa li-illahi al-hamd Kabèh puji mung marang Allah

Shalat Idul Adha[sunting | sunting sumber]

Shalat Idul Adha iku shalat sunnat rong rokaat ing dina riyaya Idul Adha utawa Idul Qurban. Tatacarané amèh padha karo shalat Idul Fitri, amung ana sawetara prabédan ya iku nalika mangkat tumuju papan shlat Iedul Fitri disunnataké mangan dhisik déné yèn arep mangkat shalat Iedul Adha ora mangan dhisik.

Rujukan[sunting | sunting sumber]

  1. ^ Panduan shalat Idul Fitri dan Idul Adha
  2. ^ Panduan shalat Ied
  3. ^ Weigers, Gerard."Ibadat". Encyclopedia of Islam and the Muslim world, kaca. 327
  4. ^ Gaffney, Patrick D. "Khutba." Encyclopedia of Islam and the Muslim World. kaca. 394.
  5. ^ Wiegers, Gerard. "Ritual". Encyclopedia of Islam and the Muslim world, hal. 600
  6. ^ [ http://konsultasisyariah.com/shalat-idul-fitri-tata-cara Konsultasi Syariah: Tata cara shalat Idul Fitri]
Sumber artikel punika saking kaca situs web: "http://jv.wikipedia.org/w/index.php?title=Shalat_Ied&oldid=832459"