Serunai

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Shehnai utawi serunai

Serunai menika piranti musik tradisional Minang ingkang anggènipun ngginakaken kanthi cara dipun-sebul. Ing tanah Minang piyambak, piranti musik Serunai kawéntar kanthi nama Puput Serunai [1].

Latar wingking[sunting | sunting sumber]

Asal mula serunai utawi puput serunai saking nama shehnai, piranti musik saking Lembah Kasmir ing dhataran India Utara [2]. Piranti musik shehnai kalebet pangembangan saking pungi ingkang dipunginakaken ing musik para pemikat ula tradisional India. Sasampunipun dipuntepangi kanthi wiyar ing dhataran inggil Minangkabau ( wilayah Sumatra Barat samenika ) serunai dados kondhang minangka piranti musik sebul tradisional Minang. Piranti menika kawéntar kanthi rata ing Sumatra Barat, mliginipu ing dhataran inggil kados ing dhaérah Kabupatèn Agam, Kabupatèn Tanah Datar, lan Lima Puluh Kota. Kejawi menika ugi kawéntar ing sedawaning pesisir panté Sumatra Barat. Serunai menika awit dangu sampun dipuntepangaken ing Indonesia déning para imigran saking Minang. Ugi sampun dipuntepangi minangka piranti musik tradisional ing Malaysia lan masarakat Banjar ing Kalimantan kanthi nama ingkang sami.

Kaginaan[sunting | sunting sumber]

Serunai utawi puput serunai padatanipun kaginakaken kanggé acara-acara adat kadosta upacara nikahan, perhelatan penghulu ( batagak penghulu ) lan sanès-sanèsipun [1]. Sadèrèngipun puput serunai menika asring dipunsebul kanthi individu nalika manen pari utawi nalika nyambut damel ing saben. Musik serunai ugi kawéntar kanggé ngiring pagelaran pencak silat Minang. Wonten ing pertunjukan menika serunai saged kanthi solo ( piyambakan ) lan saged ugi dipungabung kaliyan piranti musik tradisional sanèsipun kadosta talempong, gendhang, lan sanèsipun [1] ingkang saged ngasilaken kombinasi swantun lan irama tradisional khas Minang. Serunai dipunginakaken sesarengan kaliyan wayang kulit, nobat, gendhang keling, menora lan ugi gendhang silat [3].

Desain lan pendamelan serunai[sunting | sunting sumber]

Bahan kanggé damel puput serunai tradisional Minang menika kadosta batang pari, kayu utawi pring, tandhuk sapi utawi ron klapa. Ing bagéyan nata swantunipun dipundamel saking kayu capo ringkik utawi saking pring talang ingkang agengipun sejempol. Capo ringkik menika jinising tuwuhan perdu ingkang gadhah lapisan kayu atos ananging ugi wonten bagéyan ingkang empuk saéngga gampil dipunbolongi. Kayu kanthi dawa 20 cm kasebut dipundamel bolongan kanthi selisih jarak 2,5 cm ingkang ginanipun kanggé maringi beda nada inggil lan nada ingkang andhap. Padatanipun nada ing piranti musik tradisional Minang kalebet puput serunai inggih menika nada pentatonis "do-re-mi-fa-sol".

Puput menika bagéyan ingkang dipunsebul ing serunai padatanipun dipundamel saking kayu utawi pring talang, saged ugi batang pari ingkang tua. Bagéyan menika dipunsambungaken kaliyan bagéyan penyambung ingkang ginanipun minangka pangkal puput serunai menika. Dawanipun kirang langkung 5 cm lan kadamel saking kayu ingkang atos. Penyambung menika dipunbolong kanggé saluran udara ingkang sinambung kaliyan poros awak lan poros corong. Ing bageyan wingking bagéyan menika ugi awujud corong kanthi diamèter 2 cm.

Cathetan suku[sunting | sunting sumber]

  1. ^ a b c [1], (id) Serunai - karya leluhur dari tanah Minang (dipun-akses tanggal 07 Januari 2013).
  2. ^ Ranade, Ashok Damodar (2006). Music contexts: a concise dictionary of Hindustani Music. Bibliophile South Asia. ISBN 81-85002-63-0. http://books.google.co.in/books?id=cFwbGi3oBHgC&pg=PA307&dq=Shehnai&cd=2#v=onepage&q=Shehnai&f=false.
  3. ^ [2], (id) Kesenian (dipun-akses tanggal 07 Januari 2013).
Sumber artikel punika saking kaca situs web: "http://jv.wikipedia.org/w/index.php?title=Serunai&oldid=836076"