Senyawa Kimia

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Molekul banyu yaiku tuladha senyawa kimia kang kawangun saka 2 atom hidrogen lan 1 atom oksigen.

Senyawa kimia yaiku zat kimia murni kang kawangun saka rong unsur utawa sawatara unsur [1][2][3] kang bisa dipérang manèh dadi unsur-unsur pembentuké kanthi réaksi kimia kasebut.[4] Tuladhané, dihidrogen monoksida (banyu, H2O) yaiku sawijining senyawa kang kawangun saka rong atom hidrogen kanggo saben atom oksigen.

Padatan, perbandhingan iki kudu tetep amarga sipat fisikané, dudu perbandhingan kang digawé dèning manungsa. Mula kuwi, material kaya kuningan, superkonduktor YBCO, semikonduktor "aluminium galium arsenida", utawa coklat dianggep campuran utawa aloy, dudu jenis senyawa.

Ciri-ciri kang mmbedakaké senyawa karo unsur lan campuran yaiku anané rumus kimia. Rumus kimia mènèhi perbandhingan atom ing zat lan cacahing atom ing molekul tunggalé (mula kuwi rumus kimia etena yaiku C2H4 lan dudu CH2. Rumus kimia nyebutaké apa senyawa kasebut kawangun saka molekul; Tuladhané, natrium klorida (garam dapur, NaCl yaiku senyawa ionik. Wujud senyawa uga ana ing sawetara fase. Akèh kang dadi senyawa kang luwih cilik utawa atom individual bisa dipanasaké nganti suhu tartamtu kang banjur diarani suhu penguraian. Saben senyawa kang wis dijlèntrèhaké ing literatur nduwè pengenal kang unik, yaiku kang diarani nomor CAS.

Jenis senyawa[sunting | sunting sumber]

  • senyawa asam, yaiku senyawa kang duwé sifat kayata rasané kecut, bisa ngeteraké arus listrik ing bentuk cair kerionisasi lan ngasilaké ion hidrogen lan sisa asam.[5]
  • senyawa basa, yaiku senyawa kang dibentuk saka unsur logam mawa gugus hidroksida (OH). Senyawa basa bisa dimangertèni amarga duwé sifat khas, yaiku rasané pait utawa getir, ing kulit bisa agawé gatel panas, lan bisa ngeteraké arus listrik amarga ngalami ionisasi. Kasil ionisasai arupa ion logam lan gugus OH-.[5]
  • senyawa ionik[5]
  • senyawa garam, yaiku senyawa kang dibentuk déning unsur logam lan sisa asam. Senyawa garam nduwé rasa asin, ing kahanan larutan bisa ngeteraké arus listrik amarga ionisasi. Senyawa garam NaCl, keionisasi dadi ion Na+ lan ion sisa asam Cl-.[5]
  • senyawa oksida, yaiku senyawa kang dibentuk déning atom oksigen lan atom liyané. Anané atom oksigen iki minangka ciri senyawa oksida.[5]
  • senyawa organik, yaiku senyawa kang dibangun déning atom utamané karbon, saéngga senyawa iki uga diarani hidrokarbon.[5]

Senyawa ing Alam[sunting | sunting sumber]

Ing alam, senyawa kimia digolongaké dadi loro, yaiku senyawa organik lan senyawa anorganik.[5] Senyawa organik dibangun déning atom utamané karbon, saéngga senyawa iki uga diarani hidrokarbon.[5] Senyawa hidrokarbon ana akèh ing alam lan uga ing makhluk urip, wiwit saka bahan bakar nganti molekul kang asalé utawa kang ditemokaké ing makhluk urip kayata karbohidrat, protein, lemak, asam amino, lsp.[5]

Déné senyawa anorganik yaiku senyawa kang disusun saka atom utama logam, akèh ditemokaké ing zat mati, kayata lemah, watu, banyu segara, lsp.[5]

Deleng Uga[sunting | sunting sumber]

Cathetan Suku[sunting | sunting sumber]

  1. ^ Brown, Theodore L.; LeMay, H. Eugene; Bursten, Bruce E.; Murphy, Catherine J. (2009), written at Upper Saddle River, NJ, Chemistry: The Central Science, AP Edition (11th ed.), Pearson/Prentice Hall, ISBN 0-13-236489-1, http://www.pearsonschool.com/index.cfm?locator=PSZ16f&PMDBSUBCATEGORYID=&PMDBSITEID=2781&PMDBSUBSOLUTIONID=&PMDBSOLUTIONID=6724&PMDBSUBJECTAREAID=&PMDBCATEGORYID=814&PMDbProgramId=52962
  2. ^ Hill, John W.; Petrucci, Ralph H.; McCreary, Terry W.; Perry, Scott S. (2005), written at Upper Saddle River, NJ, General Chemistry (4th ed.), Pearson/Prentice Hall, ISBN 978-0-13-140283-6, http://www.pearsonhighered.com/educator/academic/product/0,3110,0131402838,00.html
  3. ^ Whitten, Kenneth W.; Davis, Raymond E.; Peck, M. Larry (2000), written at Fort Worth, TX, General Chemistry (6th ed.), Saunders College Publishing/Harcourt College Publishers, ISBN 978-0-03-072373-5
  4. ^ Wilbraham, Antony; Matta, Michael; Staley, Dennis; Waterman, Edward (2002), written at Upper Saddle River, NJ, Chemistry (1st ed.), Pearson/Prentice Hall, ISBN 0-13-251210-6
  5. ^ a b c d e f g h i j (id)Unsur dan Senyawa(diundhuh 11 Februari 2013)
Sumber artikel punika saking kaca situs web: "http://jv.wikipedia.org/w/index.php?title=Senyawa_Kimia&oldid=835974"