Sempritan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sempritan

Sempritan yaiku piranti cilik saka kayu, plastik, logam utawa kang sejenis, kang bisa muni (ngetokake suwara) nalika disebul. Umume sempritan wujude lonjong lan nduweni bolongan cilik ing sisih ndhuwur kanggo ngobahake hawa nalika sempritan disebul. Piranti iki bisa muni merga nalikane disebul aliran hawa bakal pisah dening plat tipis ing sempritan, lan sabanjure hawa iku mau banjur gesrekan lan gawe suwara.

Umume sempritan diunekake kanthi disebul cangkem. Nanging ing sepur kluthuk lan ing kapal uap uga dipasangi piranti kang bisa ngasilake suwara kanthi prinsip kerja pada sempritan. Bakul panganan kang jenenge puthu uga migunakake piranti kayadene sempritan kang tansah muni merga disebul nganggu uap saka panci dagangane.

Pigunane sempritan[sunting | sunting sumber]

Sempritan umum dinggo dening wasit tandhingan olahraga minangka aba-aba kanggo atlit kang lagi tandhing. Pulisi uga migunakake sempritan kanggo paring aba-aba marang wong kang liwat ing dalan. Tumrape pramuka lan serdhadhu, sempritan uga kanggo piranti weneh aba-aba lan kirim sandhi morse.

Sumber artikel punika saking kaca situs web: "http://jv.wikipedia.org/w/index.php?title=Sempritan&oldid=834332"