Sega kebuli

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sega Kebuli

Sega kebuli yaiku sega mawa bumbu kang rasané gurih kang ana ing Indonésia. Sega iki dimasak karo kaldu daging wedhus, susu wedhus, lan lenga samin, disuguhaké karo daging wedhus gorèng kadhangkala uga ditambahi irisan kurma utawa kismis. Panganan iki misuwur ing kalangan warga Betawi ing Jakarta lan warga keturunan Arab ing Indonésia.[1] Nasi kebuli nuduhake anane pengaruh budaya Arab Timur Tengah lan India Muslim, yaiku tradisi Arab Yaman. Sega iki mèmper sega Biryani.

Sajroning kabudayan Betawi, sega kebuli biyasané disuguhaké ing prayaan agama Islam, kayata Idul Fitri, Idul Adha, utawa maulid. Sega kebuli uga misuwur ing kawasan kutha kang akeh keturunan Arab-e, kayata Surabaya lan Gresik.

Carane masak[sunting | sunting sumber]

Sega kebuli digawe kanthi cara masak sega dicampur kaldu wedhus lan susu wedhus (kadhang-kadhang diganti santen). Daging wedhus ditumis lan dicampurake ing jero sega. Banjur ditambahi lenga samin kanggo menehi aroma kang khas. Bumbu-bumbu kang dialusake lan ditumis bareng sega yaiku bawang, brambang, mrica ireng, cengkeh, ketumbar, jinten, kapulaga, kayu manis, pala, lan lenga samin. Banjur daging wedhus dimasak bareng karo sega setengah mateng nganti mateng. Daging wedhus iki bisa diiris cilik-cilik lan dicampurake ing sega, utawa digoreng lan disuguhake kanthi kapisah. Nasi kebuli biyasane disuguhake karo asinan nanas, kadhang-kadhang uga ditambahi sambel goreng hati.

Referensi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Sega_kebuli&oldid=881108"