Scrabble
 |
Artikel punika pinuju ngalami éwah-éwahan ageng ngantos 28 Pebruari 2013 Kanggé nyegah konflik panyuntingan, nyuwun tulung supados boten nyunting artikel punika nalika pesen punika taksih wonten. Kaca punika pungkasan dipunsunting déning Legobot (Kontrib • Log) 68 dinten 113 menit kapungkur. |
|
|
Artikel pelatihan Papat Limpad 2012 punika perlu dipunrapèkaken supados miturut dhumateng standhar Wikipédia |
Scrabble yaiku papan dolanan nyusun tembung biasané sing dolanan wong 2 utawa 4.[1] Saka tembung-tembung sing bisa kasusun bakal pikantuk poin saka poin saben aksara ing dhuwuré papan dolanan kotak-kotak (15 kolom lan 15 baris).[1]
Wujud dolanané arupa kotakan cilik gèpèng sing ana tulisané aksara.[1] Wong sing dolanan njupuk 7 kotakan aksara saka wadhahé, banjur disusun supayané dadi tembung, oleh manengen utawa mangisor kaya teka-teki silang.[1] Tembung-tembung sing digawe kudu kelebu ing kamus standar miturut basa sing dianggo dolanan.[1]
Scrabble didol ing 121 negara ing 29 modèl basa-basa ing donya.[1] Satus yuta set dolanan scrabble bisa didol ing sadonya, lan saben 3 kaluwarga ing Amerika duwe sakset dolanan iki.[1]
Ing Amerika Serikat lan Kanada, mèrek scrabble sing misuwur yaiku Hasbro, éwodéné ing negara liya, mèrek scrabble sing akeh digoleki yaiku J.W. Spear & Sons.[1] Sadurunge ana J.W. Spear & Sons ing tahun 1993, scrabble kuwi merek dagang duweke Murferr Regency ing Australia.[1] Dolanan iki uga diarani Alfapet, FUNWORDER, Skip-A-Cross, lan Palabras Cruzadas.[1]
Sajarah [sunting]
Dolanan scrabble wiwitané digawé ing tahun 1983, rikala kuwi diarani "Criss-Crosswords" dening arsitèk sing jenengé Alfred Mosher Butts.[1] Dolanan iki pengembangan saka dolana Lexiko sing biyèn tau digawé, nanging saiki jangkep ana papan dolanan lan cara dolanané kaya teka-teki silang.[1] Dolanan ajeg nggunakaké aksara kaya Lexiko sing digawé miturut itungan distribusi frèkuènsi pangganggon aksara mawa seratan basa Inggris, kelebu artikel koran The New York Times.[1] Alfred Butts nggawé dhéwé dolanan iki lan nawakaké ing perusahaan-perusahaan dolanan gedhé nanging ora payu.[1]
Ana ing tahun 1948, pengacara James Brunot, wong saka Newton, connecticut nuku hak produksi dolanan "Criss-Crosswords" lan janji bakal ngewènèhi Butts royalti saka saben sèt sing bisa didol.[1] Brunot banjur nggenti jeneng dolanan kuwi dadi "Scrabble", tembung ing basa Inggris sing tegesé Usaha Ngudi Karya.[1] Brunot namung ngowahi kotak-kotak bonus ing papan dolanan, lan nggawé luwih gampang aturan dolanané. Jebul, dolanan scrabble payu didol.[1]
Ing tahun 1953, Brunot ngedol hak produksi scrabble marang Selchow lan Righter, amerga kapasitas produksi wis ora sanggup nyaguhi akèhé panjalukan.[1] Kaya déné Parker Brothers lan Milton Bradley, Selchow lan Rigter kuwi salah sijine pabrik dolanan gedhe sing biyèn tau nulak nuku dolanan scrabble.[1] Ing Britnia Raya lan Australia, scrabble wiwit dipasarake J. W. Spear & Sons tanggal 19 Januari 1955.[1] Perusahaan J. W. Spear & Sons saiki anak perusahaan Mattel.[1] Ing tahun 1986, Selchow lan Righter ngadoldolanan iki marang Coleco banjur disol meneh marang Hasbro.[1]
Aturan Dolanan [sunting]
Dolanan iki dimaenake wong 2 nganti 4 wong karo papan dolanan kotak-kotak sing cacahe 15 kolom lan 15 baris.[1] Rikala nyusun tembung, saben kotak diisi siji kotakan aksara.[1] Ana ing klub resmi utawa turnamen, pertandingan namung dimaenake wong loro (utawa, ana kalane antawise 2 tim sing saben anggotane dolanan bareng nyusun aksara saka rak sing beda).[1]
Saben aksara duwe poin dhewe (Antawise 1 nganti 10) sing beja ing frekuensi metune aksara kuwi standar.[1] Ana ing model scrabble basa Inggris, aksara-aksara sing bisa metu ing tetembungan basa Inggris, kaya aksara "E" utawa "O" poine mung 1. Aksara-aksara sing arang metu, kaya "Q" lan "Z" poine 10.[1] Sakliyane kuwi, ana uga kotakan kosong (ora ditulisi aksara) poine nol, nanging bisa dianggo kanggo nglambangake kabeh aksara saka "A" nganti "Z".[1]
Papan dolanan ditandani karo kotak-kotak bonus sing bisa ngakehake poin.[1] Kotak sing wernane abang ana tulisane "Triple-word" dipingake 3 total poin sing diduweni saka saktembung, kotak sing wernane jambon "double-word" dipingake 2 total poin sing diduweni saka saktembung, kotak werna biru tuwa "triple-letter" dipingake 3 poin aksara sing ana ing duwure, ;an kotak biru nom "double-letter" dipingake 2 poin aksara sing ana ing dhuwure.[1] Kotak ing bagiyan tengah papan (H8)"double-word" lan diwenehi tada bintang utawa logo.[1]
Cathetan Suku [sunting]
