Satyalancana Wira Karya

Saka Wikipédia Jawa, bauwarna mardika basa Jawa
Satyalancana wira karya

Satyalancana Wira Karya inggih punika salah satunggaling tandha pangaji-aji ingkang dipunwedalaken lan dipunparingaken dhateng warga nagara Indonésia ingkang sampun gadhah jasa ageng ingkang kathah lan sampun bekti dhateng bangsa lan nagara. Pangaji-aji punika saged dipunparingaken kanthi anumerta.[1]

Satyalancana wira karya inggih punika kalebet satyalancana sipil ingkang drajatipun sami kaliyan satyalancana sanèsipun. Tandha kaurmatan satyalancana wira karya punika boten dipunpérang ing kelas - kelas, lan ugi mawi pita gantung. Tandha kaurmatan satyalencana wira karya punika dipunparingaken dhateng satunggaling tiyang ingkang sampun gadhah jasa ingkang ageng dhateng papréntahan Républik Indonèsia kanthi dhedhasar Dudutan Présidhèn. Lan tandha kaurmatan satyalancana wira karya punika saged dipunparingaken dhateng warga nagara Indonésia ingkang saged njangkepi persaratan ingkang sampun dipuntemtokaken utawi saged warga nagara asing ingkang gadhah jasa ageng dhateng nagara Républik Indonésia. Tandha kaurmatan satyalancana wira karya saged dipunparingaken dhateng tiyang ingkang sampun séda (anumerta).

Dhasaring kukum wontenipun tandha kaurmatan satyalancana wira karyainggih adhedahsa PP Nomer 4 Taun 1962 ngengingi tandha Kaurmatan Satyalancana wira karya. Lan ancasipun inggih punika kanggé paring pangaji-aji dhateng WNI ingkang sampun paring darma bektinipun ingkang ageng dhateng nusa lan bangsa ngantos saged dipundadosaken tuladan kanggé tiyang sanèsipun.

Sarat-saratipun[besut | besut sumber]

Sarat ingkang umum kanggé netepaken layak punapa boten satunggaling tiyang pikannuk pangaji-aji punika ing antawisipun inggih punika kados makaten:[2]

  1. Warga nagara Indonésia (WNI)\
  2. Gadhah tindak tanduk lan budi pakarti ingkang saé

Sarat khususipun inggih punika sampun paring darma bektinipun ingkang ageng dhateng nusa lan bangsa ngantos saged dipundadosaken tuladan kanggé tiyang sanèsipun.

Tata Cara Ngusulaken[besut | besut sumber]

Ingkang saged dados ingkang ngusulaken satunggaling tiyang pikantuk tandha kaurmata satyalancana Kebhaktian Sosial inggih punika saking saben individu, organisasi kemasarakatan utawi swasta lan ugi instansi papréntahan: Déné tata cara ngusulakenipun inggih kados makaten:

  1. Layang usul penganugerahan dipuntapakasmani déning pimpinan lembaga nagara utawi mantri utawi pandhega Lembaga papréntahan non departemen lan dipunajokaken dhateng Mantri Sosial, ingkang salajengipun saking Mantri Sosial dipunajokaken dhateng Présidhèn medal tanganpiun Dewan TKRI, utawi
  2. Layang usul saking Bupati / Walikota dipunajokaken dhateng Gubernur, ingkang salajengipun saking tingkat gubernur dipunajokaken dhateng Mantri Sosial, lajeng saking mantri sosial dipunajokakne malih dhateng présidhèn saking tanganipun Dewan TKRI, tembusanipun dhateng Mantri Dalam Negeri, utawi
  3. Serat usulan saking tiyang piyambakan, organisasi kemasarkatakan utawi swasta, dipunajokaken dhateng Dinas Sosial Kabupatèn / Kota, salajengipun déning Dinas Sosial Kabupatèn / kutha dipunajokaken dhateng Dinas Sosial Provinsi, déning Dinas sosial provinsi dipunajokaken dhateng mantri sosial, lajeng déning mantri sosial dipunajokaken dhateng presidhan kanthi lantaran dewan TKRI utawi
  4. Dipuntunjuk langsung saking présidhèn / wakil présidhèn lan badhé dipunterasaken dhateng Dewan TKRI.

Sadèrengipun usulanipun dipunajokaken dhateng Prsidhen kanthi lantaran Dewan Tandha - tandah Kaurmatan RI, usulipun saking tiyang piyambakan/ masarakat/ organisasi non pamaréntah/ instansi/ departemen badhé dipuntliti lan dipunkaji rumiyin déning "Tim Panalit" Tandha Kaurmatan Instansi / Departemen. Manawi dipunanggep mlebet kriteria persaratan, lajeng nembé dipunajokaken dhateng Présidhèn kanthi lantaran déwan tandha kaurmatan Républik Indonésia. Asiling sidhang inggih minangka bahan pertimbangan Présidhèn kanggé maringaken tandha kaurmatan.

Cathetan suku[besut | besut sumber]