Sapardi Djoko Damono

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sapardi Djoko Damono
Lair 1940
Surakarta, Central Java
Bangsa Flag of Indonésia Indonésia
Genre Sastra Poetry

Portal.svg Literature portal

Sapardi Djoko Damono (miyos 20 Maret 1940 wonten ing Surakarta), punika satunggiling pujangga Indonesia ingkang pinunjul. Wonten ing taun 1986 piyambakipun pikantuk penghargaan SEA Write Award. Piyambakipun naté ngasta wonten ing bidang sastra ing Universitas Indonesia.

Babad slira[sunting | sunting sumber]

Masa anèmipun dipuntelasaken ing Surakarta (lulus SMP Negri 2 Surakarta taun 1955 lan SMA Negri 2 Surakarta taun 1958). Ing masa puniki panjenenganipun sampun nyerat sapérangan karya ingkang dipunkintun dhumateng kalawarti-kalawarti. Karemenanipun nyerat puniki ngrembaka nalika piyambakipun saweg kuliah ing bidhang Basa Inggris ing Univèrsitas Gadjah Mada, Yogyakarta. Wiwit taun 1974 piyambakipun ngasta ing Fakultas Sastra (sapuniki Fakultas Èlmu Budaya) Univèrsitas Indonésia, nanging sapuniki sampun pensiun. Piyambakipun naté dados dekan ing mrika lan ugi dados guru besar. Ing masa kasebat piyambakipun ugi dados rédhaktur kalawarti "Horison", "Basis", lan "Kalam".

Sapardi Djoko Damono kathah nampi bebungah. Nalika taun 1986 SDD pikantuk anugerah SEA Write Award. Panjenenganipun ugi panampi bebungah Achmad Bakrie nalika taun 2003. Panjenenganipun punika salah satunggiling pangadeg Yayasan Lontar.

Karya[sunting | sunting sumber]

Sajak-sajak SDD, mekaten panjenenganipun asring dipunjuluki, sampun dipunpertal dhumateng manéka basa. Dumugi sapuniki sampun wonten wolung kempalan puisinipun ingkang dipunterbitaken. Panjenenganipun boten namung nyerat puisi, nanging ugi mertalaken manéka karya asing, nyerat esei, sarta nyerat sapérangan kolom/artikel ing layang kabar, kalebet kolom bal-balan.

Sapérangan puisinipun populèr sanget lan kathah tiyang ingkang nepangi, kadosdéné Aku Ingin (asring dipunserataken bait sepindhahipun ing undhangan mantèn), Hujan Bulan Juni, Pada Suatu Hari Nanti, Akulah si Telaga, lan Berjalan ke Barat di Waktu Pagi Hari. Kapopulèran puisi-puisi puniki sebagéyan dipunsebabaken musikalisasi dhumateng puisi-puisi kasebat. Ingkang misuwur utaminipun inggih punika déning Reda Gaudiamo lan Tatyana (kagabung salabetipun duet "Dua Ibu"). Ananda Sukarlan ing taun 2007 ugi nglampahi interpretasi dhumateng sapérangan karya SDD.

Ing ngandhap punika karya-karya SDD (arupi kempalan puisi), sarta sapérangan esei.

Kempalan Puisi/Prosa[sunting | sunting sumber]

  • Duka-Mu Abadi, Bandung (1969)
  • Lelaki Tua dan Laut (1973; pertalan karyanipun Ernest Hemingway)
  • Mata Pisau (1974)
  • Sepilihan Sajak George Seferis (1975; pertalan karyanipun George Seferis)
  • Puisi Klasik Cina (1976; pertalan)
  • Lirik Klasik Parsi (1977; pertalan)
  • Dongeng-dongeng Asia untuk Anak-anak (1982, Pustaka Jaya)
  • Perahu Kertas (1983)
  • Sihir Hujan (1984; pikantuk bebungah Puisi Putera II ing Malaysia)
  • Water Color Poems (1986; translated by J.H. McGlynn)
  • Suddenly the night: the poetry of Sapardi Djoko Damono (1988; translated by J.H. McGlynn)
  • Afrika yang Resah (1988; pertalan)
  • Mendorong Jack Kuntikunti: Sepilihan Sajak dari Australia (1991; antologi sajak Australia, dipundamel sesarengan kaliyan R:F: Brissenden lan David Broks)
  • Hujan Bulan Juni (1994)
  • Black Magic Rain (translated by Harry G Aveling)
  • Arloji (1998)
  • Ayat-ayat Api (2000)
  • Pengarang Telah Mati (2001; kempalan cerpen)
  • Mata Jendela (2002)
  • Ada Berita Apa hari ini, Den Sastro? (2002)
  • Membunuh Orang Gila (2003; kempalan cerpen)
  • Nona Koelit Koetjing :Antologi cerita pendek Indonesia periode awal (1870an - 1910an) (2005; salah satunggiling panyusun)
  • Mantra Orang Jawa (2005; puitisasi mantra tradhisional Jawa ing basa Indonésia)
  • Kolam (2009)

Musikalisasi Puisi[sunting | sunting sumber]

Musikalisasi puisi karya SDD dipunwiwiti ing taun 1987 nalika sapérangan mahasiswanipun mbiyantu program Pusat Basa, damel musikalisasi puisi karya sapérangan panyair Indonésia, salebetipun upados ngaprésiasiaken sastra dhumateng murid SLTA. Ing wekdal puniku karipta musikalisasi "Aku Ingin" déning Ags. Arya Dipayana lan "Hujan Bulan Juni" déning H. Umar Muslim.

Sapérangan taun salajengipun miyos album "Hujan Bulan Juni" (1990) ingkang sedaya arupi musikalisasi saking sajak-sajak Sapardi Djoko Damono. Duet Reda lan Ari Malibu arupi salah satunggil saking sapérangan penyanyi sanès, kekalihipun punika mahasiswa Fakultas Sastra Univèrsitas Indonésia.

Sapérangan taun salajengipun nyusul album "Hujan Dalam Komposisi" (1996) saking komunitas ingkang sami. Album "Gadis Kecil" (2006) dipunprakarsai déning duet Dua Ibu, ingkang kapérang saking Reda Gaudiamo lan Tatyana. Album "Becoming Dew" (2007) saking duet Reda lan Ari Malibu

Ananda Sukarlan ing Warsa Énggal 2008 ugi ngawontenaken konsèr kantata "Ars Amatoria" ingkang isinipun adhedhasar interpretasinipun dhumateng puisi-puisi SDD.

Buku[sunting | sunting sumber]

  • Sastra Lisan Indonesia (1983), dipunserat sesarengan kaliyan Subagio Sastrowardoyo lan A. Kasim Achmad. Seri Bunga Rampai Sastra ASEAN.
  • Puisi Indonesia Sebelum Kemerdekaan
  • Dimensi Mistik dalam Islam (1986), pertalan karyanipun Annemarie Schimmel Mystical Dimension of Islam, salah satunggil penulis.

Pustaka Firdaus

  • Jejak Realisme dalam Sastra Indonesia (2004), salah satunggil penulis.
  • Sosiologi Sastra: Sebuah Pengantar Ringkas (1978).
  • Politik ideologi dan sastra hibrida (1999).
  • Pegangan Penelitian Sastra Bandingan (2005).
  • "Babad Tanah Jawi" (2005; nyunting sesarengan Sonya Sondakh, pertalan basa Indonésia saking vèrsi basa Jawa karya Yasadipura, Balai Pustaka 1939).

Pranala Jawi[sunting | sunting sumber]