Sanjaya

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Sanjaya (Dewanagari: संजय; IAST: Sañjaya) ing basa Sanskerta, kanthi harfiah tegese "Wong kang menang" utawa "Wong kang jaya". Sanjaya iku putrane Yamawidura. Sanjaya duwe adhi sing jenenge Yuyutsuh. [1] Sanjaya iku bagus, asipat jujur, setia, temen, tlaten, ngabekti marang wong tuawane. Saliyane iku Sanjaya sabar lan pinter crita. Dening bapake, Sanjaya didhawuhi dadi pengasuh uga pengawale Prabu Drestarastra, pak dhene kang wuta wiwit lair. Sanjaya diwenehi kasekten dening simbahe sing namane Abiyasa.

Sanjaya bisa weruh sakabehing prastawa nalika Perang ing Kurukshetra saka jero Kraton Hastinapura. Sanjaya bisa ngerti apa sing diucapake antarane Kresna lan Arjuna, sadurunge Perang ing Kurukshetra kawiwitan. Pacelathon antarane Kresna lan Arjuna iku dikenal kanthi sesebutan Bhagawadgita. Ing kitab Bhagawad Gita, uga ana Sanjaya uvāca (संजय उवाच; tegese "Sanjaya celathu") kang miwiti pacelathon antarane Kresna lan Arjuna. Dadi, pacelathon kang ana ing Bhagawadgita iku pacelathon kang dicelatukake maneh dening Sanjaya.

Sakebehing prastawa perang iku banjur dicritakake marang Prabu Drestarasta kanthi cetha. Prabu Drestarasta mung bisa nangis yen ngerti putrane ana sing tiwas. Sawise prang Bharatayuda rampung, Astine dibalikake menyang Pandawa. Sanjaya isih tetep setia marang Prabu Drestarasta lan Dewi Gendari nalika mlebu alas Dandaka kanggo moksa.

Cathetan Sikil[sunting | sunting sumber]

  1. ^ Solikhin lan Ki Waluyo. 2007. Mengenal Tokoh Wayang Jilid Empat. Surakarta: Asih Jaya. Halaman 83-84.
Wiracarita Mahabharata déning Krishna Dwaipayana Wyasa
Para paraga
Dinasti Kuru Paraga liya
Santanu | Gangga | Bisma | Satyawati | Citrānggada | Wicitrawirya | Ambika | Ambalika | Widura | Dretarastra | Gandari | Sangkuni | Subadra | Pandu | Kunti | Madri | Yudistira | Bima | Arjuna | Nakula | Sahadewa | Duryodana | Dursasana | Yuyutsu | Dursala | Drupadi | Hidimbi | Gatotkaca | Ahilawati | Utara | Ulupi | Citrānggadā Amba | Barbarika | Babruwahana | Irawan | Abimanyu | Parikesit | Wirata | Kicaka | Krepa | Drona | Aswatama | Ekalawya | Kertawarma | Jarasanda | Satyaki | Mayasura | Durwasa | Sanjaya | Janamejaya | Resi Byasa | Karna | Jayadrata | Kresna | Baladewa | Drupada | Hidimba | Drestadyumna | Burisrawa | Salya | Adirata | Srikandi | Radha
Topik kagandhèng
Pandawa | Korawa | Hastinapura | Indraprastha | Krajan ing Mahabharata |
Perang ing Kurukshetra | Bhagawad Gita | Krajan Kuru | Silsilah Pandawa lan Korawa
Sumber artikel punika saking kaca situs web: "http://jv.wikipedia.org/w/index.php?title=Sanjaya&oldid=834308"