Sangawara

Saka Wikipédia Jawa, bauwarna mardika basa Jawa

Sangawara iku jeneng peken utawa minggu sing dumadi saka 9 dina sajeroning budaya Jawa lan Bali.

Jeneng dina-dinané yakuwi DanguJagurGigisNohanOganEranganUrunganTulusDadi -

Sangawara iki dianggo sajeroning prabot Wuku Padangon, ya iku prabot Wuku sing dumadi saka sangang rupa kanggo meruhi watek manungsa lan kaperluan liyané.[1]. Makna lan watek saka saben dina mau ya iku:

  • Dangu: tegesé watu, wateké: meneng, cublúk, abot, atos.
  • Jagur: tegesé macan, wateké: galak, awas, luwes, rosa.
  • Gigis: tegesé bumi, watêké: jembar, ngreksa, momot.
  • Kerangan: tegesé srengéngé, wateké: atos, titi, ajeg, ngawruhi ala lan becík, padhang.
  • Nohan: tegesé rembulan, wateké: bungah lan sengsem, asan, kena pitenah.
  • Wogan: tegesé uler, wateké: mugên, antêpan.
  • Tulus: tegesé banyu, wateké: temen, rosa, jembar, diérami, lembut pangarahé.
  • Wurung: tegesé geni, wateké: panasbaran ing sabarang karepé.
  • Dadi: tegesé kayu, wateké: luhur lumuh kaungkulan.

Réferènsi[besut | besut sumber]

Uga delengen[besut | besut sumber]