Sandhi

Sandhi (saka basa Sangskreta samdhi) iku sawijining fénoména morfofonologi linguistik. Contoné iku kalebu fusi sawetara swara ing wates-wates tetembungan lan pangowahan swara déné swara liyané ing cedhaké. Fénoména sandhi iki utamané ana ing basa-basa Indo-Iran (kususé basa Sangskreta, sing nduwèni paugeran njlimet perkara sandhi), mula dijenengaké miturut basa Sangskreta. Senadyan mengkono basa liya uga akèh sing nduwèni fénoména iki.