Samulnori

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Samulnori

Pertunjukkan Samulnori ing Bremen, Jerman
Hangeul 사물놀이
Hanja 놀이
Alih Aksara sing disampurnakaké Samullori utawi Samul nori
McCune–Reischauer Samullori utawi Samul nori

Samulnori (사물놀이) menika dolanan piranti musik perkusi tradisional saking Korea. Saged ugi dipuntegesi genre musik perkusi tradisional saking korea. Tembung Samulnori piyambak ateges sekawan objek lan nori ateges dolanan. Dados kanthi harfiah samulnori menika ateges permainan kanthi ngginakaken sekawan piranti musik tradisional Korea [1].

Samulnori menika wonten sekawan piranti musik inggih menika :

Saben piranti musik menika nggambaraken manéka macam kahanan cuaca. Janggu menika dados lambang udan, kwaenggwari menika nglambangaken gluduk, jing minangka lambang swantun angin, dene buk menika minangka lambang awan. Samulnori ugi nggambaraken konsep Ying lan Yang [1] [2]. Swantun saking buk lan janggu nglambangaken langit déné swantun jing lan kwaenggwari menika swantun saking lemah. Samulnori ngasilaken warni musik énggal ing musik Korea, mliginipun Korea Selatan. Karakter musik saking samulnori menika dinamis, enerjik, lan cepet dipunanggep nggambaraken sipating tiyang Korea [2].

Samulnori akaripun saking nong-ak ( kanthi harfiah ateges petani musik ), satunggaling genre rakyat Korea ingkang kapérang dados musik, akrobat, tarian rakyat, lan ritual [1]. Nongak piyambak dipunpengaruhi dening ritual ingkang dipunlampahi ing Shamanisme lan Buddhisme Korea.

Sejarah[sunting | sunting sumber]

Samulnori menika wujud musik ingkang kapisan dipuntepangaken dhateng donya nalika taun 1978. Sadèrèngipun, saben désa gadhah rombongan perkusi piyambak ingkang dipunwastani pungmulpe déné musik ingkang dipundolanaken menika dipunwastani pungmul utawi nongak. Kejawi menika, satunggaling rombongan Namsadangpae ingkang damel tontonan kanthi muteri padesan menika ugi ngginakaken pungmul. Kala menika, dipunpimpin déning gendéra kanthi seratan nama rombongan. Piranti ingkang dipunginakaken menika kadosta Jagun, Buk, Kwaenggwari, Jing, Taepyeongso, lan Sogo. Ugi ndhèrèk para musisi kasebut menika para penghibur ingkang dipunwastani Japsaek kanthi konstum kados sarjana lan sanèsipun. Pementasan menika ingkang dados asal usuling Samulnori [3].

Salmunori saged narik kawigatosan kawula enèm nalika dipunpentasaken ing panggung alit ing Insa-dong nalika taun 1978. Mliginipun sekawan musisi enèm inggih menika Kim Deok-su, Kim Yong-bae, Lee Gwang-su, lan Choi Jong-sil [3].

Samulnori sampun kawéntar ing donya internasional wiwit saking taun 1980-an. Kathah komunitas Korea ing Amerika Serikat, Amerika Latin, lan Eropa ingkang sampun gadhah grup samulnori. Ing taun 1993 kelompok pemain ingkang wiwitanipun namung wonten 4 tiyang lajeng tambah dados 20 tiyang. Ing Indonesia, kelompok samulnori naté ndhèrèk nggayengaké Festival Erau 2001 lan 2003 ing Kutai Kartanegara ing Kalimantan Timur lan pikantuk sambutan ingkang meriah [4]..

Pranala luar[sunting | sunting sumber]

Cathetan suku[sunting | sunting sumber]

  1. ^ a b c [1] (id) Samulnori korean percussion ( dipun-akses tanggal 10 Januari 2013 )
  2. ^ a b [2] (id) Samulnori ( dipun-akses tanggal 10 Januari 2013 )
  3. ^ a b [3] (id) http://world.kbs.co.kr Program musik ( dipun-akses tanggal 10 Januari 2013 )
  4. ^ Delegasi Korea Selatan Persembahkan Samulnori
Sumber artikel punika saking kaca situs web: "http://jv.wikipedia.org/w/index.php?title=Samulnori&oldid=840003"