Samuel Indratma

Samuel Indratama ya iku pawongan kang asli saka Gombong, kang kondhang minangka juru lukis mural. Karyané kang misuwur dhéwé ya iku nglukis mural ana ing cagak Kreteg Lempuyangan. Dhèwèké duwèni panemu yen urip iku mampir ngguyu, ora kaya pawongan liyané kang duwèni panemu urip kuwi mampir ngombé. Mula uripé Samuel digawé seneng-seneng, lan mèsem ngguyu.

Révolusi "Kula Nuwun"

Amarga panemu urip kang mangkana, mula ora maido yèn dhèwèké ngetrepkaké paham kuwi ing pagawéyané saben dina. Kaya ta pemikirané kang ngandaraké yèn Révolusi kuwi ora kudu nganggo kepelan tangan, révolusi uga bisa nganggo "kula nuwun". Panemu iku kang ditrepaké déning Samuel kanggo muralké Ngayogyakarta. Dhèwèké uga ora nyalahhké uwong-uwong menawa arep ngritik pamaréntah lan gawè révolusi kaya cara adat saben, ananging Samuel luwih seneng révolusi mawa tata krama.

Karya

• Proyèk mural kang diwiwti taun 1997 kang diadani ing dhésa Nitiprayan kang duwéni irah-irahan "Melayang", disengkuyung déning 13 juru lukis lan digambar ing tèmbok omah kang ambané 700 m².
• Ing taun 1999, Apotik Komik nganakaké pagelaran kang kaping pindho kang duwéni irah-irahan "Sakit Berlanjut". Dhèwèké nèmplèké kabèh clipboard kang ana gambaré ing tèmbok- tèmbok kutha banjur ngandaraké yèn kabèh uwong bisa dadi kolèktor. Ora ana seminggu, karya-karya kuwi wis padha ora ana ing panggoné manèh.
• "Kerja dengan Kertas, Begadang 3" kuwi kang dadi irah-irahan pagelaran kang kaping telu, kang diadani wiwit 18 Oktober nganti 11 November 2001. Acara iku diadani ing Galèri Lontar. Dhèwèké ngandaraké yèn komik kuwi sarana kang gampang ditampa déning masarakat.
• Karya kang "Fenomenal" dhéwé saka Samuel ing Ngayogyakarta nalika taun 2002 ya iku mural ing cagak Kreteg Lempuyangan. Amarga ukurané gedhé lan panggoné kang stratégis.
• Lumantar Jogja Mural Forum (JMF) Samuel mujudaké "Kode Pos Art Poject" ing taun 2008 dhèwèké uga njlentrehaké yèn dhésa kuwi dadi sumberé kutha. Mula kuwi Samuel lan kanca-kancané njujuk dhésa-dhésa ing saindhengé Ngayogyakarta.
• Pagelaran kaping enem wiwit tanggak 12 nganti 31 Mèi 2009 duwéni irah-irahan “Agro Metal” kang dianakaké ing Tembi Contemporary Gallery. Samuel ing pagelarané macak kaya dènè tukang rosok kang jupuki barang-barang sing wis ora kanggo, banjur diowahi supaya dadi barang kang unik lan estetik.

Ora ana kang diwedèni karo Samuel kanggo njlentrehaké apa kang dadi pangajab lan panemuné, amarga dhèwèké juru lukis kang bèbas. Wiwitan karir dhèwèké mèlu manéka werna pagelaran nalika dhèwèké kuliah ana ing Fakultas Seni Rupa dan Desain, Jurusan Seni Grafis Institut Seni Indonesia (ISI)