Samcheok

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Panté Samcheok

Samcheok (삼척시) inggih menika satunggaling kutha ingkang wonten ing propinsi Gangwon, Korea Kidul.[1] Kutha menika mapan wonten ing dhataran ingkang wonten ing sisih wétan pagunungan Taebaek lan pesisir Laut Wétan.[1] Kutha menika gadhah pelabuhan alami sarta objek wisata panté mawi pasir putih.[1] Kutha Samcheok menika dados dhaérah tujuan wisata ingkang kondhang nalika mangsa panas, mliginipun amargi sesawangan panté lan segaranipun ingkang endah.[2] Penduduk Samcheok sapérangan ageng nyambut damel dados nelayan, saéngga manéka asil segara kalebet pakolèhan utami masarakat ing kutha kasebut.[1] Jinis pakolehan ingkang paling kathah menika cumi-cumi lan maneka jinis ulam.[1][3] Kalih pelabuhan utami wonten ing Samcheok, inggih menika Jangho lan Imwon gadhah kathah kapal kanggé nyekel cumi-cumi.[1]

Pante Chu-am[sunting | sunting sumber]

Stasiun pante Chu-am

Chu-am inggih menika pante ingkang ateges "wewatuan lilin" wonten wewatuan ingkang jumeneng kados lilin.[1] Pante menika asring dipundugini déning para wisatawan kangge ningali sesawangan srengéngé nalika medal saking Laut Wétan.[1] Pante menika dipungabungaken marang kutha Donghae nalika 1980 lan boten malih dados wewengkon Samcheok.[1]

Jukseoru lan Osip-cheon[sunting | sunting sumber]

Jukseoru menika satunggaling pendopo mawi tingkat kalih kanthi umur 800 taun ingkang jumeneng ing sisih aliran kali Osip-cheon.[1] Pendopo ingkang jumeneng saking masa Dinasti Goryeo menika kalebet Harta Nasional Korea Selatan No.213.[1] Jukseoru ateges "Pendopo ing sisih kulon Wana Pring".[1] Dipunubengi déning wit-witan lan pring saking Jukseoru saged mirsani aliran Osipcheon.[1] Osipcheon (makna harfiah: "kali seket") menika aliran kali ingkang dawanipun 50 km ingkang ngliwati Samcheok lan muaranipun marang Laut Wetan.[1] Jukseoru menika salah satunggal saking Gwandong Palgyeong.[4]

Hwanseon-gul[sunting | sunting sumber]

Hwanseon-gul utawi Gua Hwanseon menika gua watu kapur paling ageng ing Korea.[1][5] Saking sedaya nembé 55 gua ingkang saged dipundamel péta.[1] Wiwit saking dipunbikak ing taun 1997, Gua Hwanseon dados tujuan wisata énggal.[1] Nalika taun 2002, kutha Samcheok ngawontenaken Samcheok World Cave Expo kanggé nepangaken Gua Hwanseon marang wisatawan internasional.[1]

Kutha kembar[sunting | sunting sumber]

Kuthakembar Samcheok inggih menika kutha-kutha ing jero lan luar negeri kados mekaten : [6][7]:

Cathetan suku[sunting | sunting sumber]

Commons-logo.svg
Wikimedia Commons gadhah galeri bab:
  1. ^ a b c d e f g h i j k l m n o p q r (en)Choe Jeong Gyu (Summer 2008). "The Mountains, Seas, and Caves of Samcheok". Koreana 22: 68-75. http://koreana.kf.or.kr/pdf_file/2008/2008_SUMMER_E068.pdf.
  2. ^ (en)Opening Dates of Korea’s Major Beaches, visitkorea.
  3. ^ (en)Foods of Samcheok, eng.samcheok.go.kr.
  4. ^ (en)Jukseoru Pavilion, visitkorea.
  5. ^ (en)Hwanseongul (Natural Monument issue178), eng.samcheok.go.kr.
  6. ^ (en)Samcheok City - International Interchange City, eng.samcheok.go.kr.
  7. ^ (ko)Sisterhood Cities, samcheok.go.kr.

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Samcheok&oldid=876185"