Saluang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Saluang saka pring

Saluang iku piranti lelagon tradhisional khas Minangkabau, Sumatra Kulon. Ing ngendi piranti lelagon iki kagawe saka pring tipis utawa talang (Schizostachyum brachycladum Kurz). Saluang digunakake kanthi cara disebul. Wong Minangkabau pitaya yen bahan kang paling apik kanggo gawe saluang asale saka talang kang digunakake kanggo mepe kain talang kang ditemokake kentir ing kali. [1] Piranti iki kalebu ing golongan piranti lelagon suling, nanging luwih sederhana cara gawene, mung kanthi cara mbolongi talang nganggo bolongan kang cacahe papat. Dawane saluang kira-kira 40-60 cm, kanthi diameter 3-4 cm. Kagunan liyane saka talang yaiku wadhah kanggo gawe lamang (lemang), salah siji panganan tradisional Minangkabau.

Pemain saluang kang legendaris jenenge Idris Sutan Sati kanthi penyanyine yaiku Syamsimar.

Keutaman para pemain saluang yaiku bisa mainake saluang kanthi cara nyebul lan ambegan kanthi bebarengan, mula wong kang nyebul saluang bisa maninake piranti lelagon iku saka awal nganti tekan rampunge lagu tanpa pedhot. Cara ambegan kaya mangkene bisa dikembangake kanthi cara latian trus-trusan. Teknik iki uga diarani teknik manyisiahan angok.

Saben negeri ing Minangkabau ngambangake cara nyebul saluang, mula saben-saben negeri iku duweni ciri khas dhewe-dhewe. Tuladha saka ciri khas iku yaiku Singgalang, Pariaman, Solok Salayo, Koto Tuo, Suayan lan Pauah. Ciri khas Singgalang dianggep cukup angel dimainake dening wong kang nembe latian (pemula), lan padatan nada Singgalang iki dimainake ing awal tembang. Dene, ciri khas kang paling sedhih unine yaiku Ratok Solok saka dhaerah Solok.

Biyene, kabare wong kang main saluang iki duweni mantra dhewe-dhewe kang migunani kanggo hipnotis sing nonton. Mantra iku diarani Pitunang Nabi Daud.[2]

Cathetan Sikil[sunting | sunting sumber]

  1. ^ (Basa Indonésia)Wawancara karo A. Dt Batuah, niniak mamak suku Caniago saka Koto Laweh, Solok, taun 1993 dening wiki ID limpato
  2. ^ (Basa Indonésia)Wawancara karo Magatin Budua, seniman tradisional Minangkabau saka Muaro Bodi, Sawahlunto taun 1993, dening WikiID limpato
Sumber artikel punika saking kaca situs web: "http://jv.wikipedia.org/w/index.php?title=Saluang&oldid=832344"