Sabak
Sabak (basa Indonésia: batu tulis), iku piranti sing bahané saka watu karbon mèmper blabak cilik warna ireng sing gunané kanggo nulis[1] Jaman biyèn durung akèh sing gawé buku tulis, dadi bocah-bocah sekolah nulis piwulangan ing sadhuwuring sabak. Kanggo nulisi sabak dianggo sajinis potlot, nanging kagawé saka karbon jenengé grip (basa Indonésia: anak batu tulis). Sawisé rampung, tulisan ing sabak bisa dibusak lan sabak bisa ditulisi makaping-kaping. Kuciwané piranti nulis wujud sabak iki gampang pecah. Sanadyan kagawé saka watu nanging yèn nganti tiba ing lemah sabak bisa pecah awit saka tipisé. Ing taun 1960-an sabak lan grip wis wiwit ilang lan diganti nganggo buku tulis.
Ing jaman modèrn, fungsi sabak wis digantèkaké déning sabak digital wujud komputer tablèt sing bisa ditulisi lan dibusak makaping-kaping kanthi èlèktronik. Indonésia wis nyatakaké bakal gawé sabak nasional kanggo para murid Sekolah dhasar ing taun2012.[2]
Balai Pustaka (BP) uga wis ngenalaké sabak modèrn, ya iku wujud komputer tablet pitung inci sing isi materi wulangan kelas 1- 6 SD. "Komplit. kabèh wulangan sajeroning nem taun wis ana ing njeroné.[3]
Uga delengen[besut | besut sumber]
Rujukan[besut | besut sumber]
- ↑ Artikata.com:. Definisi 'sabak' (Diaksès 18 Juni 2011).
- ↑ Tempo Interaktif: Sabak, Tablet Asli Indonesia (Diaksès 18 Juni 2011)
- ↑ JPNN: Sabak Digital Gantikan Buku Pelajaran (Diaksès 18 Juni 2011)