SAR

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tim SAR nembé Latian Panyalametan

SAR, akronim saka Search and Rescue, yaiku kagiatan lan usaha golèk, nulung, lan nyelametaké manungsa kang ilang utawa kang lagi ngadhepi bebaya ing musibah-musibah kaya pelayaran, penerbangan, lan bencana.[1] Istilah SAR wis dienggo sacara internasional, mula ora gumun yèn wis dikenal wong ing donya kalebu ing Indonesia.[1] Operasi SAR ora mung ana ing papan kang abot, kaya ning segara, alas, gurun, ning uga ing kutha.[1] Anggota SAR kuwi yaiku wong-wong kang wis dilatih khusus kanggo nulungi korban lan ora mbebayakaké anggota SAR liyané.[1] Tim SAR kerja nalika ana musibah kayata pesawat tiba, pesawat mudhun darurat, banjur musibah ning segara kaya kapal kobong, kapal tabrakan, kapal kerem lan ngandas.[2] Semana uga ing musibah liya kaya kobongan, gunung mbledhos, sepur tabrakan lan liya-liyané.[2]

Ing sajroné bencana, operasi SAR kuwi salah sawijiné saka bagéyan siklus tanggap darurat bencana.[2] Siklus kuwi mau kagabung saka bagéyan iki, kayata nyegah (mitigasi) , siaga (preparedness), tanggap darurat (response) lan pamulihan (recovery), dadi operasi SAR kuwi pancèn bagéyan saka pakaryan kang tanggap darurat.[2]

Cathetan suku[sunting | sunting sumber]

  1. ^ a b c d (id)SAR(05 September 2011)
  2. ^ a b c d (id)SAR(05 September 2011)
Sumber artikel punika saking kaca situs web: "http://jv.wikipedia.org/w/index.php?title=SAR&oldid=864436"