Rum (unjukan mawi alkohol)

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Rum Karibia, taun 1941

Rum (rhum) inggih menika unjukan mawi alkohol saking asil fermentasi lan distilasi saking molase (tetes tebu) utawi toya tebu ingkang kalebet produk samping industri gula. Rum asil distilasi arupi cairan werna bening lan padatanipun dipunsimpen kanggé proses pematangan ing jero tong ingkang dipundamel saking kayu ek utawi kayu jinis sanèsipun. Produsen rum paling ageng ing donya menika negara-negara Karibia lan sedawanipun aliran Kali Demerara ing Guyana, Amerika Kidul. Kejawi menika, pabrik rum wonten in negara-negara sanès ing donya kados Australia, India, Kepuloan Reunion.

Rum kapérang saking maneka jinis kanthi kadar alkohol ingkang béda-béda. Rum putih padatanipun kanggé campuran koktail. Dene rum werna coklat radi emas lan peteng menika kangge masak, damel kue, lan kangge campuran koktail. Namung rum mawi kuwalitas inggil kemawon ingkang padatanipun dipununjuk tanpa campuran utawi dipuntambah ès watu (on the rocks). Rum gadhah peranan ingkang wigati wonten ing kabudayan tiyang ing Hindia Kulon lan kondhang minangka unjukan perompak lan Angkatan Laut Kerajaan Inggris.

Etimologi[sunting | sunting sumber]

Asal-usul tembung rum boten dipunmangertosi kanthi cetha. Kathah pamanggih ingkang ngandharaken bilih asalipun tembung menika saking rumbullion ingkang ateges "hingar-bingar".[1] Pamanggih sanès ngandharaken bilih rum dipunpendhet saking gelas ageng kanggé unjukan tiyang Belanda ingkang dipunsebat rummers, saking tembung roemer utawi gelas ngunjuk.[2] Sanèsipun saged ugi rum menika cekakan saking saccharum (bahasa Latin untuk gula), utawi arôme (Basa Perancis kanggé aroma).[3] Ing Amerika Serikat, istilah "rumme" (rum) wiwit dipunginakaen saking Mei 1657. Kala menika, Kongres Persemakmuran Massachusetts (General Court of Massachusetts) menging nyadé unjukan mawi alkohol inggil menapa kemawon namanipun rumme, strong water', anggur, brendi, lan sanèsipun.[3]

Sajarah[sunting | sunting sumber]

Asal-usul[sunting | sunting sumber]

Wujud wiwitan saking rum menika sampun dipundamel déning tiyang zaman purbakala. Unjukan asil saking fermentasi toya tebu prakiraan sampun dipundamel déning tiyang India lan tiyang Cina kuno. [1] Cara anggènipun damel unjukan kasebut nyebat wonten ing papan-papan sanès lan dados unjukan brum ingkang sampun dipundamel tiyang Melayu èwunan taun kepengker.[4] Marco Polo nyathet ing abad kaping 14 bilih piyambakipun dipuntaweni unjukan "anggur saking gula ingkang écho sanget" ing papan ingkang samenika dipunsebat Iran.[1] Distilasi rum kapisan dipunlampahi ing abad kaping 17 déning pekerja perkebunan tebu ing Karibia. Panemunipun menika budak kebon ingkang mangertos bilih molase saged dipunfermentasi dados alkohol.[5] Proses distilasi dipunlampahi dhumateng asil fermentasi supados pikantuk unjukan mawi kadar alkohol inggil arupi rum ingkang kapisan.

Cathetan suku[sunting | sunting sumber]

  1. ^ a b c Pacult, F. Paul. "Mapping Rum By Region", Wine Enthusiast Magazine, July 2002. 
  2. ^ Blue, p. 72–73
  3. ^ a b Blue p. 73
  4. ^ Blue p. 72
  5. ^ Blue p. 70

Pirsani ugi[sunting | sunting sumber]