Ruhut Sitompul

Saka Wikipédia Jawa, bauwarna mardika basa Jawa
Ruhut Sitompul
Barkas:Ruhut Sitompul Dhémokrat.jpg
Lair (1954-03-24) Maret 24, 1954 (umur 70)
Indhonésia Indonésia
PakaryanAktor
Advokat-Penasihat Hukum
BojoAnna Rudhiantiana Legawati [1]
AnakChristian Husein Sitompul [1]
Wong tuwaHumala Sitompul dan Surtani Panggabean

Ruhut Sitompul, S.H. (lair ing Medan, Sumatera Utara, 24 Maret 1954; umur 70 taun) iku pengacara, pemeran sinétron, lan pulitikus Indonésia.[2] Jeneng Ruhut misuwur amarga perané dadi tokoh pongah Poltak kang ngaku Raja Minyak saka Tarutung ing sinétron Gerhana.[2] Ruhut Sitompul uga njabat dadi Ketuwa DPP Parté Dhémokrat.[2]

Biografi[besut | besut sumber]

Anak nomer loro saka sadulur kang cacahé papat iki anak saka pasangan Humala Sitompul lan Surtani Panggabean.[2] Ruhut ngrampungaké pandhidhikané ing Fakultas Hukum, Universitas Padjadjaran, Bandung nalika taun 1979.[2] Ruhut dadi salah siji saka loro mahasiswa kang lulus kanthi wektu patang taun nalika iku.[2] Karir Ruhut dadi pengacara uga rikat ngrembaka.[2] Iki amarga Ruhut kalebu pengacara kang siyap nangani kasus-kasus kang kontroversial lan kurang populer ing masarakat.[2] Salah sijiné ya iku, Ruhut bareng-bareng karo pengacara kang jenengé Hotma Sitompul, dadi pengacara Ketua Umum Parté Golkar, Akbar Tandjung, lan uga yayasan-yayasan duwéke mantan Présidhèn Soeharto.[2] Nalika iku kabéh wong ngyek lan péngin mbubaraké pamaréntahan Orde Baru.[2]

Sanajan ngono jeneng Ruhut misuwur nalika Ruhut main dadi tokoh pongah Poltak kang ngaku Raja Minyak saka Tarutung ing sinétron Gerhana. Ruhut Sitompul ora sengaja main ing sinétron iki, Ruhut ora sengaja maca skenario Gerhana produksi StarVision.[2] Ruhut pancén wis suwé dadi pengacara StarVision.[2] Sanajan mung digawé kanggo main nganti episode kaping 13, nanging Ruhut kang main dadi Bang Poltak disenengi wong kang nonton.[2] Mulané Ruhut tetep mèlu main nganti puluhan episode sawisé iku.[3] Saliyané filem iku Ruhut Sitompul uga main filn liyané ya iku Anak Ibuku, Taman Mertua Indah, dan James Bono.[2] Ruhut uga kerep dadi bintang tamu ing acara lawak kaya ta Ngelaba, Asep Show, lan Ketoprak Humor.[4]

Filmografi[besut | besut sumber]

Cathetan suku[besut | besut sumber]