Rubeus Hagrid

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Rubeus hagrid

Rubeus Hagrid utawa kang luwih dikenal kanthi jeneng Hagrid yaiku salah sawijining karakter ing seri Harry Potter kang dadi pengawas gerbang ing sekolah sihir Hogwarts. Ing film Harry Potter karakter Hagrid diperanaké déning Robbie Coltrane.[1]

Biografi[sunting | sunting sumber]

Hagrid lair tanggal 6 Desember 1928, bapakné Mr.Hagrid salah sawijining penyihir lan ibuné Fridwulfa kang arupa raksasa. Hagrid gedhé ing sisih kulon negara Inggris, cedhak Forest of Dean.[1] Nalika Hagrid umur telung taun, ibuné bali ing koloni raksasané,ninggalaké bapakné. Hagrid omong yèn dheweké nduwéni kenangan kang sithik nalika cilik karo ibuné, ananging éling yèn bapakné sayang.[1] Hagrid kang awujud setengah raksasa dhuwuré bisa nyalip bapakné. Ing umur enem taun, Hagrid bisa njunjung bapakné lan ndèlèhaké ing nduwur lemari nalika nesu.[1] Hagrid duwé adhi arupa raksasa kang jenengé Grawp.[2]

Keahlian[sunting | sunting sumber]

  1. Kekuatan sihir: Rubeus Hagrid terampil anggoné migunaaké sihir lan bisa nggunaaké sihir nonverbal nganggo payung.[1]
  2. Transfigurasi: Hagrid terampil ing Transfigurasi kayata kang ditunjukaké nalika nyihir buntut babi marang Dudley Dursley kamangka ora nyihir dadi babi temenan.[1]
  3. Elemental Mantera: Hagrid terampil ing mantera Incendio nalika migunaaké kanthi nonverbal kanggo gawé geni lan bisa uga nganggo mantra Aguamenti kanggo nyulap banyu kanggo matèni geni nalika Pertempuran ing Menara Astronomi.[1]
  4. Mantra: Hagrid nduwéni katerampilan Mantra kanggo nglakoaké perahu kanggo ngangkut murid-murid Hogwarts ing taun-taun wusana. Hagrid uga bisa migunaaké mantra kanggo ngedhèaké waluh nganti ukuran raksasa.[1]
  5. Sihir Non-verbal: Hagrid cukup terampil migunaaké sihir nonverbal kaya kang ditunjukaké nalika nggawe geni lan sihir transfigurasi buntut babi marang Dudley. Mantra iki nunjukake menawa kamangka Hagrid ora tau lulus saka Hogwarts, dhèwèké tetep nduweni sihir kang kuat, amarga sihir nonverbal kalebu salah sawijining èlmu sihir kang angel.[1]
  6. Perlawanan Sihir: Hagrid bissa tahan marang mantra amarga getih raksasane. Hal iki uga menehi perlindungan saka kutukan kang kalebu Sihir Hitam, kang menehi keuntungan nalika dhèwèké malu ing pertempuran.[1]
  7. Crossbowman (pemanah): Hagrid uga crossbowman (pemanah) terampil.
  8. Kekuatan super: amarga saka getih raksasané, Hagrid nduwéni kekuatan super, kayata bisa mbéngkokaké bedhilé Vernon Dursley. Hagrid uga bisa ngopèni kéwan kang jinisé kaya Fluffy,kirik raksasa kang sirahe ana telu, Aragog, lan sawijining Acromantula kang nduweni ukuran padha karo gajah cilik. Kekuatan Hagrid uga dibuktiaké nalika dhèwèké mèlu pertempuran karo para Auror ing taun 1996.[1]

Ingon-ingonané Hagrid[sunting | sunting sumber]

Ing Hogwarts Hagrid nduweni akèh makhluk ajaib, akeh uga ing antarane kang mbebayani, kéwan-kéwan ingon-ingonané hagrid ing antarané: Aragog (temangga raksasa), Fang (kirik), Fluffy (kirik kang nduwé sirah telu), Buckbeak (kèwan kang kalebu Hippogrif), lan Norbert (naga).[1] Saking tresnané Hagrid karo kéwan-kéwan mau lan bakaté kang bisa nglatih kéwan, ing taun katelu Hagrid didadèaké Profesor Perawatan Satwa Gaib ing Hogwarts.[1]

Pranala jaba[sunting | sunting sumber]

Cathetan Sikil[sunting | sunting sumber]

  1. ^ a b c d e f g h i j k l m (id)Rubeus Hagrid
  2. ^ (id)[1]
Sumber artikel punika saking kaca situs web: "http://jv.wikipedia.org/w/index.php?title=Rubeus_Hagrid&oldid=837687"