Rieke Diah Pitaloka
| Rieke Diah Pitaloka | |
|---|---|
 | |
| Lair | Rieke Diah Pitaloka Intan Permatasari Januari 8, 1974 Garut, Jawa Barat, Indonesia |
| Bangsa | Indonesia |
| Pakaryan | Artis, Politisi |
| Dhuwur | 163 cm (5 ft 4 in) |
| Bojo | Donny Gahral Adian |
Rieke Diah Pitaloka Intan Permatasari (lair ing Garut, Jawa Barat, 8 Januari 1974; umur 50 taun) iku sawijiné penulis buku, presenter, juru main sinétron Indonesia, lan aktivis pulitik.[1] Rieke Diah Pitaloka nikah karo dhosen filsafat Universitas Indonésia, Donny Gahral Adian nalika dina Setu, 23 Juli 2005 ing Garut, Jawa Barat.[2].
Pandhidhikan[besut | besut sumber]
Sawisé namatake pandhidhikan S1 ing Fakultas Sastra Walanda Universitas Indonésia lan S1 Filsafat STF Driyakara, Jakarta Rieke uga nerusaké pandhidhikan.[1] Sanajan sibuk karo kagiyatané ing donyaning hiburan, Rieke bisa ngrampungaké pandhidhikan S2 ne ing jurusan Filsafat Universitas Indonésia (UI).[1] Malah tesisé kang judhulé Banalitas Kejahatan: Aku yang tak Mengenal Diriku, Telaah Hannah Arendt Perihal Kekerasan Nagara dadi buku kang judhulé Kekerasan Nagara Menular ke Masarakat.[1] Buku iki diterbitake karo Galang Press[1].
Karir[besut | besut sumber]
Rieke Diah Pitaloka wiwit dikenal nalika dadi bintang iklan Kondom Sutra kanthi jargon Meong.[3] Kajaba iku dhèwèké uga dikenal nalika meranaké dadi Oneng kang "o'on" ing sinétron komedi Bajaj Bajuri.[3] Rieke uga dikenal dadi presenter ing acara Good Morning lan nulis buku.[3] Salah siji judhul bukune ya iku Renungan Kloset.[3]
Saliyané sinétron, Rieke Diah Pitaloka uga main teater.[3] Rieke mèlu pentas teater kang judhule 'Cipoa' garapan Putu Wijaya.[3] Rieke Diah Pitaloka uga njajal kanggo akting ing layar lebar.[3] Rieke miwiti akting ing layar lebar utawa biyoskup dadi Dwi, ya iku wong wédok kang dipoligami ing filem Berbagi Suami.[4] Ketagihan main filem, Rieke Diah Pitaloka main ing filem antologi kang digarap déning sutradara wadon kang cacahé papat.[4] Film iki judhulé Lotus Requiem[4] Film iki banjur diganti judhule dadi Perempuan Punya Cerita.[4]
Kagiyatan pulitik lan sosial[besut | besut sumber]
Rieke Diah Pitaloka aktif ing kagiyatan pulitik, malah tau duwé kalungguhan wakil sekretaris jendral DPP Parté Kebangkitan Bangsa (PKB) pimpinan Muhaimin Iskandar.[5]. Rieke banjur mundur saka parté kang duwé basis Islam iki banjur nggabung ing Partai Demokrasi Indonesia Perjuangan (PDI-P) pimpinan Megawati Soekarnoputri.[6]. Dhèwèké dadi anggota DPR periode 2009 - 2014 saka PDI-P nalika Laladan Pemilihan Jawa Barat II.[6] Rieke Diah Pitaloka uga nggawé yayasan kang jenengé "Yayasan Pitaloka".[6] Yayasan iki kalebu yayasan ing babagan sastra lan sosial.[6]
Cathetan suku[besut | besut sumber]
- ↑ a b c d e Rieke Dyah Pitaloka Bukukan Thesis S2-nya(dipunundhuh tanggal 7 Juli 2011)
- ↑ Perjanjian Pranikah Rieke Diah Pitaloka dan Donny Gahral Adian(dipunundhuh tanggal 7 Juli 2011)
- ↑ a b c d e f g Rieke Diah Pitaloka Ingin Hilangkan Image 'Oon'(dipunundhuh tanggal 7 Juli 2011)
- ↑ a b c d Puas di Teater, Rieke Diah Pitaloka Rambah Layar Lebar(dipunundhuh tanggal 7 Juli 2011)
- ↑ Rieke Diah 'Oneng' Pitaloka Kunjungi Dua Balita Gizi Buruk(dipunundhuh tanggal 7 Juli 2011)
- ↑ a b c d Oneng Bergabung PDIP Archived 2022-05-28 at the Wayback Machine.(dipunundhuh tanggal 7 Juli 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |