René Préval

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
René Garcia Préval
René Préval

Isih Mengku jabatan
Miwiti Mengku jabatan 
16 Februari 2006
Pejabat sadurungé Boniface Alexandre
Pengganti Belum ada
Mangsa jabatan
7 Februari 1996 – 7 Februari 2001
Pejabat sadurungé Jean-Bertrand Aristide
Pengganti Jean-Bertrand Aristide

Lair 17 Januari 1943 (umur 71)
Port-au-Prince, Haiti
Partai pulitik Lespwa(The National Front of Hope)
Pasangan Guerda Benoît

René Garcia Préval (miyos tanggal 17 Januari 1943 wonten ing Marmelade) inggih punika Presiden Haiti sakmenika. Sadèrèngipun, piyambakipun njabat minangka presiden wonten ing periode 7 Februari 1996 dumugi 7 Februari 2001 lan Perdana Menteri (Februari 1991-2 September 1993).

Karier[sunting | sunting sumber]

Préval kagungan gelar agronomi saking College of Gembloux lan Universitas Louvain wonten ing Belgia.[1] Piyambakipun ugi kagungan latar belakang wonten ing tèknik lan geotermal. Piyambakipun dipunpeksa nilaraken Haiti sesarengan kaliyan kulawarganipun nalika taun 1963 sasampuning dipunpadosi déning diktator François Duvalier alias "Papa Doc".

Ingkang rama ugi satunggaling agronom lan naté njabat minangka menteri Pertanian nalika masa pamarèntahanipun Jenderal Paul Magloire, ingkang nggantosaken Duvalier. Piyambakipun dipunasingaken saking Haiti amargi latar belakang politikipun ingkang nggayutaken piyambakipun kaliyan kaum oposan, lajeng nyambut damel wonten ing sawijining PBB wonten ing Afrika.

Sasampuning dumunung sadanguning 5 taun wonten ing Brooklyn (New York, Amerika Serikat) minangka satunggaling pelayan restoran, piyambakipun wangsul dhateng Haiti lan pikantuk posisi wonten ing Institut Nasional kanggé Sumber-sumber Mineral.

Préval njabat minangka perdana menteri Haiti saking tanggal 13 Februari dumugi tanggal 11 Oktober 1991, ananging dipungantosaken lan dumunung wonten ing pembuangan sasampuning kadadosan kudeta militer nalika tanggal 30 September 1991. Préval inggih punika sekutu Jean-Bertrand Aristide lan pamimpin partai Kulawarga Lavalas.

Minangka presiden, Préval nglembagakaken sajumlah pembaruan ekonomi, utaminipun wonten ing privatisasi manéka parusahan negara. Sapérangan tiyang ngendika bilih privatisasi punika dipunsebabaken amargi Préval tundhuk sanget kaliyan tekanan saking njawi, mliginipun saking dana moneter keuangan donya (IMF). Wonten ing pungkasaning masa jabatanipun, tingkat pengangguran (éwadéné taksih lumayan inggil) sampun samsaya kirang wonten ing tingkat paling andhap wiwit mandhapipun Duvalier. Kecenderungan mandhapipun angka pengangguran punika kalajengaken wonten ing masa jabatan Aristide ingkang nggantosaken piyambakipun dumugi kudeta 2004.

Préval pikantuk kathah dhukungan saking rakyat Haiti ingkang paling miskin. Piyambakipun mligi dipundhukung déning masyarakat saking pemukiman wonten ing Port-au-Prince.[2]

Sadanguning kampanye, piyambakipun ngusahakaken jaga jarak kaliyan sedaya bekas rekanipun wonten ing Partai Lavalas lan nyalonaken dhiri minangka kandidat kanggé La Esperanza. Préval dhukung rawuhipun pasukan PBB wonten ing Haiti lan ngendika bilih pasukan punika "kedah dumunung sadanguning taksih dipunbetahaken,"[3] béda kaliyan Aristide lan kathah anggota Partai Lavalas ingkang nentang rawuhipun pasukan-pasukan PBB lan nuduh pasukan nindakaken kampanye panindasa lan kekerasan saking panyuwunan Amerika Serikat, Perancis, lan Kanada.

Cathetan Suku[sunting | sunting sumber]

  1. ^ https://listhost.uchicago.edu/pipermail/haiti-news/2006-February/001337.html
  2. ^ Thompson, Ginger. Candidate of Haiti's Poor Leads in Early Tally With 61% of Vote. The New York Times, 10 Februari 2006.
  3. ^ http://www.guardian.co.uk/worldlatest/story/0,1280,-5552689,00.html


Sing mengku  sadurungé:
Boniface Alexandre
Presiden Haiti
7 Mei 2006–-
Diganti déning:
masih menjabat
Sing mengku  sadurungé:
Jean-Bertrand Aristide
Presiden Haiti
7 Februari 19967 Februari 2001
Diganti déning:
Jean-Bertrand Aristide
Sing mengku  sadurungé:
Martial Célestin
Perdana Menteri Haiti
Februari 19912 September 1993
Diganti déning:
Jean-Jacques Honorat


Sumber artikel punika saking kaca situs web: "http://jv.wikipedia.org/w/index.php?title=René_Préval&oldid=843262"