Rea

Saka Wikipédia Jawa, bauwarna mardika basa Jawa
Rea nitih singa, Altar Pergamon, Musiyum Pergamon, Berlin.

Rea (Basa Yunani: Ῥέα, Rhéa) wonten ing mitologi Yunani punika sedhèrèk sarta garwanipun Kronos. Saking hubunganipun kaliyan Kronos, Rea gadhah laré-laré ingkang samangké badhé dados panguwasa Olimpus, laré-laré mau inggih punika Demeter, Hades, Hestia, Poseidon, Hera, lan Zeus. Rea sesarengan kaliyan Kronos dados pemimpinipun para Titan [1].

Kanggé Homer, Rea punika ibunipun para déwa, sanajan sanès ibu kanggé alam semesta kados Kibele. Miturut legenda Rea punika nylametaken Zeus ingkang nembé wiyos kanthi cara mbeta Zeus dhateng Pulo Kreta kanthi ancas supados boten dipunpangan déning Kronos kados kakang-kakangipun. Kronos punika mangsa laré-larénipun piyambak amargi Kronos ajrih kaliyan ramalan ingkang ngandharaken bilih kuasaning Kronos badhé dipunandhapaken déning turunanipun piyambak kados Kronos ngrebut kekuwasaan saking bapakipun inggih punika Uranus [2]. Rea punika pitados bilih Zeus dipunurus déning para pendhèrèkipun ing mriku. Para pendhèrèkipun punika ingkang njagi Zeus lan ngawontenaken upacara-upacara panyembahan.

Versi sanès[besut | besut sumber]

  1. Zeus dipunurus déning Gaia dumugi ageng.
  2. Zeus punika dipunpiara déning manungsa setengah menda kanthi nama Amalthea sesarengan kaliyan muridipun Krouretes damel swantun-swantun lan mbengok supados nutupi swantun tangisan bayi kanthi ancas supados Kronos boten mireng.
  3. Zeus dipunpiara déning satunggaling dewi kanthi nama Adamanthea ingkang paring toya susu menda. Amargi Kronos punika nguwasani sadaya dharatan, sagara, lan swarga sampun ngulu sadaya putri saking Rea. Adamanthea lajeng mbeta Zeus lajeng dipunmapanaken gumantung ing wit supados Zeus boten kénging dharatan, sagara lan langit [1].

Simbol[besut | besut sumber]

Rea punika dipunsimbolaken minangka bulan. Wonten ing mitologi Romawi simbolipun punika Lunar. Simbol sanèsipun punika kéwan banyak (angsa) minangka lambang kalembutan. Rea ugi kaliyan kalih singa ingkang narik kretanipun [1].

Tegesing tembung[besut | besut sumber]

Kathah nimpuna etimologi ingkang sarujuk bilih tembung Rhéa ('Ρέα) punika turunan saking tembung έρα "daratan". Pamanggih sanèsipun punika nama Rhéa gadhah gegayutan kaliyan tembung delima, ῥόα, utawi ῥοιά satunggaling jinis woh-wohan wonten ing Yunani. Nama Rhea punika ugi kaginakaken kanggé nama salah satunggaling bulan saking planit Saturnus [1].

Cathetan suku[besut | besut sumber]

  1. a b c d [1] Archived 2016-03-05 at the Wayback Machine., (id) Mitologi Yunani part 2 (dipunakses tanggal 25 Januari 2013).
  2. [2] Archived 2013-05-25 at the Wayback Machine., (id) Sajarah Déwa Zeus dalam mitologi Yunani (dipunakses tanggal 25 Januari 2013).