Rangkong Papan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Rangkong Papan
Status konsèrvasi
Klasifikasi èlmiah
krajan: Animalia
filum: Chordata
kelas: Aves
ordo: Coraciiformes
kulawarga: Bucerotidae
Genus: Buceros
Species: B. bicornis
Jeneng binomial
Buceros bicornis
Linnaeus, 1758

Rangkong Papan ngggadhahi nami Latin Buceros bicornis menika spesies ingkang paling ageng saking suku peksi Bucerotidae.[1] Rangkong papan ingkang sampun diwasa nggadhahi ukuran ingkang ageng sanget, dawanipun ngantos 160 cm.[1] Peksi Rangkong papan menika nggadhahi wulu ingkang werninipun cemeng, saha tamduk kuning-cemeng wonten ing nginggilipun cucuk ingkang ageng saha awerni kuning.[1] Kulit rainipun awerni cemeng kanthi wulu ing jangganipun ingkang awerni kuning radi coklat.[1] Wulunipun buntut peksi Rangkong papan menika nggadhahi werni pethak kanthi garis cemeng kandel wonten ing tengahipun.[1] Sungu manuk Rangkong papan menika nggadhahi bolongan.[1] Peksi Rangkong papan ingkang wadon ukuranipun langkung alit tinimbang ingkang jaler.[1] Peksi rangkong papan jaler saha rangkong wadon saged dipunbèntenaken saking mripatipun.[1] Mripat peksi rangkong papan wadon menika awerni biru, déné ingkang jaler nggadhahi mripatipun awerni abrit.[1]

Pakan peksi Rangkong papan inggih menika woh-wohan, kéwan ingkang ukuranipun alit, peksi, srangga, saha reptil.[1] Peksi rangkong papan menika nggadhahi sifat monogami, tegesipun manuk rangkong papan menika namung gadhah setunggal pasangan.[1] Peksi rangkong papan nggadhahi susoh wonten ing salebetipun wit.[1]

Populasi peksi Rangkong papan sumebar wonten ing wana tropis ing negara India, Republik Rakyat Cina, Indocina, Nepal, Bhutan, Semenanjung Malaysia saha wonten ing pulo Sumatra, Indonésia.[1] Wonten ing Indonésia, Manuk Rangkong papan menika dipunreksa wonten ing Taman Nasional Gunung Leuser.[2]

Cathetan suku[sunting | sunting sumber]

  1. ^ a b c d e f g h i j k l m (id)archive.kaskus.us(dipunundhuh tanggal 8 Oktober 2011)
  2. ^ (id)dephut.go.id(dipunundhuh tanggal 8 Oktober 2011)
Sumber artikel punika saking kaca situs web: "http://jv.wikipedia.org/w/index.php?title=Rangkong_Papan&oldid=867780"