Rajungan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Rajungan
Male P. pelagicus
Klasifikasi èlmiah
krajan: Animalia
filum: Arthropoda
Subfilum: Crustacea
kelas: Malacostraca
ordo: Decapoda
Infraorder: Brachyura
kulawarga: Portunidae
Genus: Portunus
Species: P. pelagicus
Jeneng binomial
Portunus pelagicus
(Linnaeus, 1758)
Sinonim

Cancer pelagicus Linnaeus, 1758

Rajungan menika nggadhahi nama latin Portunus pelagicus. [1]Rajungan menika kelebet salah setunggaling jinis kepithing ingkang gadhah habitat alami namung wonten ing seganten.[2] Rajungan menika limrahipun dipunpanggihi nalika pasang surut saking Samudra Hindhia saha Samudra Pasifik, saha Timur Tengah dumugi panté ing Seganten Mediterania.[2] Rajungan menika limrahipun dipunginakaken kanggé sumber pangan.[2] Rajungan menika reginipun awis.[2] Rajungan langkung remen manggen wonten ing pasir utawi lumpur, mliginipun nalika wayah siyang saha mangsa anyep. [2]Rajungan menika pados panganan nalika wayah banyu pasang.[2] Pakananipun rajungan inggih menika organisme kadosta bivalvia, iwak saha alga.[2] Rajungan menika salah setunggaling kewan ingkang saged renang kanthi saé.[2] Rajungan menika nggadhahi sikil ingkang wujudipun tipis lan gépéng.[2] Sikil menika wujudipun kadosta dayung. [2]Ananging bénten kaliyan jinis kepithing sanésipun. Rajungan menika mboten kiyat menawi dangu medal saking toya.[2] Béntenipun rajungan kaliyan kepithing inggih menika manggen wonten ing sikil bagéyan mburi.[2] Rajungan gadhah sikil ingkang gépéng, lonjong, saha mboten landhep.[2] Sikil menika limrahipun dipunginakaken kanggé nglangi.[2] Rajungan umumipun dipunpanggihi wonten ing segara déné kepithing menika saged dipuningoni. [2]Rajungan nggadhahi cangkang ingkang trotol-trotol kadosta macan tutul.[2] Rajungan nggadhahi daging ingkang langkung legi, saha empuk tinimbang kepithing.[2] Kejawi menika, limbah rajungan ingkang arupi cangkang rajungan saged dipunmanfaataken kanggé prodhuk ingkang awis inggih menika dipunolah dados kitin saha kitosan.[3]

Cathetan suku[sunting | sunting sumber]

  1. ^ (id)kampus.okezone.com(dipunundhuh tanggal 9 Oktober 2011)
  2. ^ a b c d e f g h i j k l m n o p q (id)id.answers.yahoo.com(dipunundhuh tanggal 9 Oktober 2011)
  3. ^ (id)resources.unpad.ac.id(dipunundhuh tanggal 9 Oktober 2011)

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Rajungan&oldid=867794"