Raimuna

Saka Wikipédia Jawa, bauwarna mardika basa Jawa
Logo saka Raimuna taun 2008

Raimuna ya iku pertemuan Pramuka Penegak kang wujudé wujud perkemahan gedhé kang ana ing Indonesia diselenggarakake déning kwartir Gerakan Pramuka.[1] Raimuna diselenggarakake wiwit saka tingkat Kwartir Ranting (kacamatan) nganti tekan tingkat nasional.[1]

Tingkatan Raimuna[besut | besut sumber]

Raimuna ana ing tingkat Kwartir Ranting dijenengi Raimuna Ranting utawa biyasa disingkat karo Rairan.[2] Peserta saka Raimuna Ranting ya iku Pramuka Penegak perwakilan saka gugusdepan (Ambalan Penegak) ana ing wewengkon Kwartir Ranting (kacamatan) iku.[2] Raimuna ana ing tingkat Kwartir Cabang (kabupatèn utawa kutha) dijenengi Raimuna Cabang utawa biyasa disingkat karo jeneng Raicab.[2] Kang mèlu ana ing Raimuna Cabang ya iku Pramuka Penegak perwakilan saka Kwartir Ranting kang ana ing wewengkon Kwartir Cabang (kutha) iku.[2] Raimuna ana ing tingkat Kwartir Laladan (provinsi) dijenengi Raimuna Laladan utawa biyasa disingkat karo jeneng Raida.[2] Ana ing Raimuna Laladan iki sing mèlu ya iku Pramuka Penegak perwakilan saka Kwartir Cabang kang ana ing wewengkon Kwartir Laladan (provinsi) iku.[2] Raimuna ana ing tingkat Kwartir Nasional dijenengi Raimuna Nasional utawa biyasa disingkat karo jeneng Rainas.[2] Raimuna Nasional iki sing mèlu ya iku Pramuka Penegak perwakilan saka Kwartir Laladan (provinsi).[2] Perwakilan saka provinsi iki racaké dijupukake saka kwartir Laladan (kabupatèn).[2] Biasane raimuna nasional iki dianakake limang taun sapisan.[2]

Pratélan pelaksanaan Raimuna Nasional[besut | besut sumber]

ing ngisor iki ya iku wektu Raimuna Nasional ing Indonesia:

No Tahun Panggon Wektu
1 1969 Cimanggis, Bogor, Jawa Barat 21-26 Agustus 1969
2 1972 Bedugul, Kabupatèn Tabanan, Bali 14-23 Agustus 1972
3 1976 Karangkates, Kabupatèn Malang Jawa Wétan 14-24 September 1976
4 1982 Cibubur, Jakarta 7-14 Agustus 1982
5 1987 Cibubur, Jakarta 14-21 Dhésèmber 1987
6 1992 Cibubur, Jakarta 3-12 Juli 1992
7 1997 Cibubur, Jakarta 1-10 Juli 1997
8 2003 Prambanan, Kabupatèn Sléman, Yogyakarta 8-17 Juli 2003
9 2008 Cibubur, Jakarta 27 Juni-7 Juli 2008

Cathetan suku[besut | besut sumber]

  1. a b [1]
  2. a b c d e f g h i j [2]