Rahman Tamin
Rahman Tamin (lair ing Padang, Sumatera Barat, taun 1907) ya iku siji pengusaha tekstil asal Indonésia.[1] Bapake, Haji Tamin ya iku siji pengusaha Minangkabau kang wis bisnis ing Bukittinggi wiwit taun 1914. Usaha Tamin Group sangsaya gedhé wiwit Rahman Tamin nerusaké usahane wongtuwane.
Taun 1928, Rahman Tamin ngadegaké kantor perdagangan ing Padang. Setaun candhaké bebarengan karo adhine Agus Tamin, dhèwèké wiwit bisnis karo pengusaha-pengusaha Tionghoa kang mawa basis ing Singapura. Taun 1932, kanggo nggedekake usahane, dhèwèké mindahake kantor pusate ing Jakarta. Dumunung ing kawasan Pasar Baru, Jakarta Pusat, Tamin ngendalekake bisnise kang sumebar antarané Padang-Singapura-Jakarta.
Taun 1950-an, Tamin nggunakaké lisensi Program Benteng kang ditokake déning pamaréntah. Saka program iki, Tamin nindakaké ekspansi bisnis ing sektor-sektor usaha kang sasuwéné iki dikendalekake déning Walanda. Saliyané nggedhekake bisnis tekstile, Tamin uga tuku siji hotèl ing Bukittinggi (1952) sarta percetakan ing Surabaya (1953).[2] Ora cukup mung dadi pedagang, ing taun 1957 Tamin ngadegaké pabrik tekstil ing Sidoarjo. Produk-produk tekstile diwènèhi merek Ratatex (Rahman Tamin Textile) kang misuwur nganti mancanagara. Wiwit matine, Tamin Group lan Ratatex wiwit mobat-mabit. Anake Sofjan R. Tamin, ora duwé niyat nerusaké usahane bapake. Sofjan malah nindakaké bisnise dhéwé lumantar PT Moon Lion Industries Indonésia, siji perusahaan manufaktur kang mroduksi baut lan skrup.[3]
Rahman Tamin dikenal minangka siji wong kang seneng weweh. Salah siji omahé ing Jalan Diponegoro, Menteng, Jakarta Pusat disilihake marang Pengurus Besar Himpunan Mahasiswa Islam minangka sekretariat organisasi mau.[4] Tamin uga kacathet minangka salah siji pangadeg Rumah Sakit Jakarta.[5]
Cathetan sikil[besut | besut sumber]
- ↑ Mestika Zed; Kepialangan, Pulitik, dan Revolusi: Palembang, 1900-1950; LP3ES, 2003
- ↑ Richard Robison, Indonésia: The Rise of Capital, Allen & Unwin, 1986
- ↑ Sofjan R Tamin; Character First, Berbisnis dengan Jalan Lurus; Gibons Books; 2009
- ↑ http://hminews.com Archived 2022-07-26 at the Wayback Machine. Rumah Tamin di Diponegoro 16 Archived 2011-04-10 at the Wayback Machine.
- ↑ http://yayasanrsjakarta.org Situs Yayasan RS Jakarta