Raditya Dika

Saka Wikipédia Jawa, bauwarna mardika basa Jawa
Raditya Dika
LairDika Angkasaputra Moewarni
(1984-12-28) Dhésèmber 28, 1984 (umur 39)
Jakarta, Indonesia
BangsaIndonesia
PakaryanPenulis, Paraga
Taun aktif2005 - saiki
Dhuwur160 cm (5 ft 3 in)
Sana jaringan[[1]]

Raditya Dika utawa Dika Angkasaputra Moerwani, lair ing Jakarta tanggal 28 Désèmber 1984, ya iku penulis saka Indonesia.[1][2] Ing Indonesia, Raditya Dika misuwur dadi penulis buku-buku lucu.[1] Buku-buku mau digawé saka tulisan-tulisan blogé.[1] Bukuné kang kapisan, judhule "Kambing Jantan" ya iku buku kang paling laris.[1] Buku iku nyeritakaké uripé Radith nalika kuliah ing Australia.[1] Tulisané Radith kalebu jinis anyar, amarga nalika dhèwèké nulis bukuné kang kapisan durung akèh kang gawé tulisan komèdi kang dhapuré cathetan pribadi utawa blog.[1]

Karir[besut | besut sumber]

Anggitané kang kapisan ya iku buku kanthi judhul "Kambing Jantan: Sebuah Catatan Harian Pelajar Bodoh" (2005). Buku iki nyeritakaké uripé Radith nalika isih kuliah ing Adelaide, Australia. Bukuné kang kapindho judhulé "Cinta Brontosaurus", dibabaraké taun 2006. Isiné uripé Radith kang asring apes. Bukuné kang katelu judhulé "Radikus Makankakus: Bukan Binatang Biyasa" babar tanggal 29 Agustus 2007 lan bukuné kang kapapat babar sasi April 2008, judhulé "Babi Ngesot: Datang Tak Diundang Pulang Tak Berkutang".

Dhèwèké uga dadi juru main filem kang digawé saka bukuné kang kapisan "Kambing Jantan: The Movie".[3] Film iku disutradharai Rudi Sudjarwo. Ing sasi Novèmber 2009, Radith mbiwara yèn bukuné kang kalima kanthi judhul "Marmut Merah Jambu" arep dibabaraké sasi Désèmber 2009, nanging sidané mundur amarga ana tambahan carita.

Radith miwiti kapénginan gawé buku kang ditulis saka blogé nalika menang bebungah "Indonésian Blog Award".[4] Radit Uga éntuk bebungah "The Online Insipring Award" 2009 saka Indosat.[4]

Saka kono, dhèwèké nyithak tulisan saka blogé banjur ditawakaké marang penerbit. Mulané akèh kang nolak, nanging sidané naskah mau dibabaraké penerbit Gagasmedia.

Radith dadi penulis buku kang suksès amarga dhèwèké béda saka penulis liya-liyané. Bukuné kalebu jinis anyar kang akèh disenengi wong-wong.

Awalé, bukuné ora patiyo payu. Nanging dhèwèké ora kesel promosi lumantar blog lan lumantar guneman.

Saiki, Radith nerusaké kuliah ing Fakultas Èlmu Sosial lan Pulitik ing Universitas Indonésia. Dhèwèké uga mergawé dadi pemimpin rédhaksi lan dhirèktur ing penerbit bukuné.

Anggitané Raditya Dika[besut | besut sumber]

Novèl
Komik (karo Dio Rudiman)

Filmografi[besut | besut sumber]

Ingkang maragani[besut | besut sumber]

Penulis skénario[besut | besut sumber]

Cathetan sikil[besut | besut sumber]

  1. a b c d e f Biografi Raditya Dika(dipuntingali 5 Juni 2011)
  2. Raditya Dika(diaksès 5 Juni 2011)
  3. Rudi Sudjarwo Kepincut Kambing Jantan Archived 2011-02-10 at the Wayback Machine.(diaksès 5 Juni 2011)
  4. a b Tiga Peraih Online Inspiring Award 2009 Archived 2010-03-27 at the Wayback Machine.(diaksès 5 Juni 2011)

Pranala njaba[besut | besut sumber]