Pycnonotidae

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pycnonotidae
Merbah cerukcuk,
Pycnonotus goiavier saka Bali
Klasifikasi èlmiah
krajan: Animalia
filum: Chordata
kelas: Aves
ordo: Passeriformes
kulawarga: Pycnonotidae
Marga

Spizixos
Pycnonotus
Andropadus
Baeopogon
Ixonotus
Chlorocichla
Thescelocichla
Phyllastrephus
Bleda
Nicator
Criniger
Alophoixus
Setornis
Tricholestes
Iole
Hemixos
Hypsipetes
Neolestes

Merbah utawa disebut uga cucak-cucakan (familia Pycnonotidae) iku suku manuk manggung saka Afrika lan Asia tropis. Manuk-manuk iki akèh-akèhé duwé suwara sing merdu lan nyanyian sing manéka warna, kerep alas dadi ribut déning suwarané utamané nalika ésuk lan soré. Jroning basa Inggris, manuk=manuk iki ditepungi minangka Bulbuls.

Merbah asliné jroning basa Melayu ngrujuk marang sapérangan jinis manuk manggung sing wuluné surem ing semak belukar, klebu uga jinis-jinis manuk pelanduk, tepus, bentet lan liya-liyané. Ing kéné, kanggo kapentingan standharisasi pamènèhan jeneng kayadéné sing dipigunakaké LIPI, merbah dipigunakaké winates kanggo nyebut manuk-manuk saka keluwarga Pycnonotidae. Saliyané disebut merbah, manuk-manuk saka suku iki duwé sapérangan sebutan umum sing liya kayadéné cucak (Jawa); tempuruk, empuruk; tempulu’, empulu’, pampulu, empuloh (anéka basa Melayu ing Sumatra lan Kalimantan); lan liya-liyané.

Ukurané sedheng, manuk-manuk iki biasané awaké sedheng rada ramping, gulu cendhak, lan buntut rada dawa. Kerep uga mawa misai alus.

Sebagéan spesiesé duwé werna-werna sing cerah: kuning, jingga, abang, ing dhadha, weteng utawa saawak. Nanging akèh-akèhé wernané surem coklat zaitun, semu klawu utawa semu kuning, mawa werna kuning, jingga utawa abang ing bokongé. Jantan lan betina wernané padha.

Sapérangan mawa werna ireng ing endhas, jambul sing bisa diobah-obahaké, utawa janggut putih.

Kabiasaan[sunting | sunting sumber]

Merbah utamané iku manuk pamangan woh-wohan lan srangga. Ing alas, akèh-akèhé manuk iki seneng njlajah semak belukar lan alas sing setengah kabuka, methik anéka woh cilik-cilik lan mburu srangga. Senajan sebagéan manèh luwih seneng ana ing dhuwur wit-witan.

Asring ditemoni pasangan-pasangan utawa nglompok, manuk-manuk iki sok nyampur karo jinis sing liya. Ramé swarané sero silih ngundang.

Merbah gawé susuh ing dhuwur wit utawa perdu, wangun cawan saka suket, tangkai godhong, utawa serpihan godhong, campur karo serat-serat sing liyané. Endhogé 2-3 butir.

Ragam jinis[sunting | sunting sumber]

Ing Indonésia ana watara 27 jinis, utamané kakonsentrasi panyebarané ing Indonésia bagéan kulon. Mung rong spesies sing nyebar adoh tekan Sulawesi Kidul, salah sijiné uga ditemoni ing Lombok. Nanging kaloroné dikira nyebar amarga digawa manungsa (feral, manuk uculan sing banjur tangkar-tumangkar).

Nanging anèhé ana sajinis anggota suku iki sing nyebar winates (endemik) ing pulo-pulo sekitar Sulawesi lan Maluku, yaiku Brinji emas (Alophoixus (Hypsipetes) affinis). Malah amarga urip ing wilayah kapuloan sing kaisolir siji lan sijiné sakwéné mayuta-yuta taun, spesies iki wis ngrembaka dadi sanga subspesies sing béda.

Sapérangan conto anggota suku merbah iki yaiku:

Bahan Wacan[sunting | sunting sumber]

  • Coates, B.J. and K.D. Bishop. 2000. Panduan lapangan Burung-burung di Kawasan Wallacea. BirdLife IP & Dove Publication. Bogor. ISBN 979-95794-2-2
  • King, B., M. Woodcock, and E.C. Dickinson. 1975. A Field Guide to The Birds of South-East Asia. Collins. London. ISBN 0-00-219206-3
  • MacKinnon, J. 1993. Panduan lapangan pengenalan Burung-burung di Jawa dan Bali. Gadjah Mada University Press. Jogyakarta. ISBN 979-420-150-2
  • MacKinnon, J., K. Phillipps, and B. van Balen. 2000. Burung-burung di Sumatera, Jawa, Bali dan Kalimantan. LIPI dan BirdLife IP. Bogor. ISBN 979-579-013-7

Pranala njaba[sunting | sunting sumber]

(en) Suku Pycnonotidae ing ITIS Database, diaksès tanggal 02/8/2006

Sumber artikel punika saking kaca situs web: "http://jv.wikipedia.org/w/index.php?title=Pycnonotidae&oldid=839474"