Putri malu
 |
Artikel punika pinuju ngalami éwah-éwahan ageng ngantos 28 Pebruari 2013 Kanggé nyegah konflik panyuntingan, nyuwun tulung supados boten nyunting artikel punika nalika pesen punika taksih wonten. Kaca punika pungkasan dipunsunting déning Legobot (Kontrib • Log) 66 dinten 1214 menit kapungkur. |
|
|
Artikel pelatihan Papat Limpad 2012 punika perlu dipunrapèkaken supados miturut dhumateng standhar Wikipédia |
| Mimosa pudica | |
|---|---|
 |
|
| (Mimosa pudica)Putri malu | |
| Klasifikasi èlmiah | |
| krajan: | Plantae |
| divisio: | Magnoliophyta |
| kelas: | Magnoliopsida |
| ordo: | Fabales |
| kulawarga: | Fabaceae |
| Subkulawarga: | Mimosoideae |
| Genus: | Mimosa |
| Species: | M. pudica |
| Jeneng binomial | |
| Mimosa pudica L. |
|
Putri malu (Mimosa pudica) yaiku tanduran perdhu cendhèk anggota suku polong-polongan sing gampang dimangertèni amarga godhongé sing bisa mingkup dhéwé utawa alum kanthi cepet nalika didemèk.[1] Sanadyan sawatara anggota polong-polongan bisa mingkup kaya mangkono, réaksi putri malu luwih cepet tinimbang jinis tanduran liyané.[1] Jeneng liya saka putri malu yaiku si kejut, rebah bangun (Minangkabau), akan kaget, riyud, daun kaget (Manado). [2] Déné ing negara liya kayata putri malu diarani Han xiu cao (China), shame palant, puahilahila (Inggris), lan makahiya (Filipina).[3]
Bab lan Paragraf |
Ciri-Ciri [sunting]
Ciri khusus saka putri malu yaiku nutupé godhong kanggo ngayomi dhiri saka kéwan sing panganané tetanduran (herbivora) sing pengin mangan putri malu.[4] Werna godhong bagéyan ngisor tanduran putrin malu luwih pucet, saéngga kéwan sing pengin mangan ngira yèn tanduran kuwi wis alum amarga wernané sing pucet.[4]
Putri Malu asring ditemokaké ing sawah, kebon, lan sesuketan.[5] Tanduran iki kalebu tanduran herba mènek utawa mlumah ing kadhuwuran 0,3 - 1,5 m. Tanduran liar putri malu urip ing papan tarbuka.[5] Putri malu sing asalé saka Amérika tropis iki ditemokaké sepisanan ing papan sing dhuwuré 1200 m saka permukaan segara.[5]
Morfologi [sunting]
Godhong [sunting]
Godhong putri malu arupa godhong majemuk menyirip ganda dua sing sampurna.[6] Gunggungé anak godhong saben sirip yaiku 5-26 pasang.[6] Anak godhong bentuké ndawa kaya lanset, pucuké lancip, bongkoté bunder, pinggiré rata, permukaan dhuwur lan ngisor lunyu, dawané 6-16 mm, ambané 1-3 mm, wernane ijo, padatan pinggir godhong awerna ungu.[6] Yèn kedemèk langsung nglengkuk, siripé nglumpuk kanthi dawa 4-5,5 cm.[6]
Gagang [sunting]
Wangun gagangé bunder, ana rambute, lan eri sing padha nèmpèl.[6] Gagangé kanthi rambut sikat arahé miring mangisor.[6]
Oyod [sunting]
Oyod putri malu arupa oyod pena sing kuat tumancep ing lemah.[6]
Kembang [sunting]
Bentuk kembang putri malu bunder kaya bal, ana gagangé, awerna ungu utawa abang[6]. Kelopaké cilik banget kaya selaput putih. Tabung mahkota cilik, ana tajuné 4.[6]
Woh [sunting]
Bentuk wohé kaya polong, gèpèng, kaya garis.[6]
Wiji [sunting]
Wijiné bunder lan gèpèng.[6]
Obahé Tanduran [sunting]
Ciri-ciri sing khas saka putri malu yaiku nalika godhongé didemèk bakal mingkup kanthi cepet. Obahé godhong putri malu iki diarani obah tigmonasti.[7] Tigmonasti yaiku obah nasti sing disebabaké dening rangsangan mékanis arupa sénggolan utawa dipenèt.[7] Tembung tigmonasti iki asalé saka basa Yunani, yaiku thigma sing tegesé sénggolan.[7] Obah tigmonasti iki uga diarani sèismonasti.[7] Mingkupé godhong putri malu iki amarga kena sénggolan. Rèspon mingkup (kaya alum) bakal kadadèn cepet banget watara 1-2 detik.[7] Kanggo mbalik manèh, putri malu merlokaké wektu watara 10 menit.[7] Mékanisme obah iki uga amarga prabawa éwahé tekanan turgor ing jero sèl yaiku ing bagéyan persendian godhong.[7]
Kandhutan Godhong Putri Malu [sunting]
Kandhutan sing ana ing godhong putri malu yaiku Mimosine.[8] Sifat kimiawi lan èfèk farmakologis yaiku manis, astringen, rada atis, nenangaké (tranquiliser), sedative, peluruh dahak (expectorant), anti watuk (antitusive), ngudhunaké panas (antipiretic), anti radang (anti-inflammatory), sarta ngluruhaké banyu uyuh (diuretic).[8]
Khasiat [sunting]
Akèh banget khasiat saka godhong Putri malu, yaiku kanggo nambani sawatara lelara, kayata:
Carané yaiku godhong putri malu watara 30-60 gram digodhog banjur banyu godhogané diombé.[8] Bisa uga kanthi cara nyampuraké 15 gram godhong putri malu karo 15 gram godhong sawi langit (vemonia cinerea) lan 30 gram godhong calincing banjur digodhog.[8] Banyu godhogané diombé.[8]
Carané yaiku oyod putri malu 60 gram dicampur karo 600 cc banyu, banjur digodhog nganggo geni cilik.[8] Saéngga dadi 200 cc banjur dibagi kanggo diombé ping pindho.[8]
Oyod tanduran putri malu watara 10-15 gram digodhog banjur diombé banyuné.[8]
15 gram oyod putri malu dikum ing arak putih 500 cc nganti 2 minggu.[8] Banjur ditèmplèkaké ing bagéyan awak sing lara.[8]
- Kanggo nambani kencing batu [8]
Cathetan Suku [sunting]
- ^ a b (id)Khasiat Putri Malu
- ^ (id)Putri malu(diundhuh 20 September 2012)
- ^ (id)Mimosa pudica(diundhuh 23 September 2012)
- ^ a b (id)Ciri khusus Putri malu(diundhuh 22 September 2012)
- ^ a b c (id)Karya Ilmiah Putri Malu(diundhuh 26 September 2012)
- ^ a b c d e f g h i j k (id)Morfologi, Anatomi, dan Fisiologi Mimosa pudica L.(diundhuh 26 September 2012)
- ^ a b c d e f g (id)Gerak pada Tumbuhan(diundhuh 21 September 2012)
- ^ a b c d e f g h i j k l m n o p q (id)Khasiat Daun Putri Malu(diundhuh 20 September 2012)
