Pustakasala

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Candhi Kimpulan

Pustakasala (dipunsebat ugi Candhi Kimpulan) inggih punika Candhi Hindu ingang dipunbangun sawetawis abad ke-9 dumugi ke-10 Masehi ingkang dumunung ing wewengkonipun kampus Universitas Islam Indonesia (UII), Jalan Kaliurang, Kaliurang, Sleman, Yogyakarta, Indonesia. Candi punika kapendhem antawis gangsal meter ing ngandhap lemah. Perangan saking candhi ingkang sampun katingal awujud tembok kotak, mawi landasan bangunan, sarta arca Ganesha, Nandi, saha Lingga-Yoni. [1].

Penemon[sunting | sunting sumber]

Candhi punika dipuntemokaken boten sengaja nalika tanggal 11 Desember 2009, nalika dipunadani penggalian kangge pondasi proyek pambangunan perpustakaan UII. Penemon punika dados daya tarik kangge publik, media sarta masyarakat sakiring tengenipun. Kabar saking media narik raos kepingin mangertos saking masyarakt, saengga sesarengan sowan wonten papan punika. Badan Pelestarian Peninggalan Purbakala (BP3) Yogyakarta ajrih menawi kathahipun cacah pangunjung saged ngrisak candhi. Sakmenika situs punika dipunp[ageri ngangge seng, sarta dipuntutp kangge umum punapa dene masyarakat sakiring tengenipun.[2]. Sami kaliyan Candhi Sambisari, Candhi Morangan, saha Candhi Kedulan, [[candhi punika kakubur nalika gunung merapi njeblug kinten-kinten sewu taun kapengker. Penemon candhi punika minangka panemon arkeologi ingkang langkung gadhah daya tarik wonten ing Yogyakarta sakmenika, sarta dados spekulasi mbok menawi taksih wonten candhi-candhi sanesipun ingkang taksih kakubur dening awu vulkanik gunung Merapi.[3].

Sajarah[sunting | sunting sumber]

Panaliten langkung tebih saha panggalian arkeologi saweg dipunadani sakmenika dening BP3. Sakmenika fakta ingkang saged dipunlaporaken inggih candhi punika karakteristikipun Hindu Siwaisme saking gaya ukiranipun saha saking arca ingkang nedahaken bilih candhi punika kabangun nalika abad kasanga (ke-9) dumugi abad ke-10 nalika jaman Kerajaan Mataram Kuno.[4]. Candhi punika nalika dipuntemokaken, dipunkenal dening masyarakat umum minangka candhi UII (Candhi Universitas Islam Indonesia), amargi anggenipun nemokaken wonten ing lingkungan kampus UII. BP3 maringi candhi punika nama “Candi Kimpulan” saking nama desanipun. Ananging Badan Yayasan Wakaf UII maringi nama sanes, “Pustakasala” ingkang ateges "perpustakaan" wonten ing basa sansekerta. Maksudipun saking sajarah panemon candhi ingkang badhe kabangun perpustakaan. Nama punika ugi nggambaraken kahanan pendidikan universitas, dipuntambah malih arca Ganesha dipuntemokakan wonten ing situs punika, dene Ganesha kawentar minangka dewa ilmu pengetahuan, intelektual, saha kawicaksanaan.[4].

Arsitektur[sunting | sunting sumber]

Candhi punika jelas candhi Hindu Siwaisme. Ananging arsitekstur candhi punika mboten sami kaliyan candhi-candhi sanesipun. Benten kaliyan candhi gaya Jawa Tengah sanesipun, badan candhi saha atapipun boten katemokaken. Candhi punika ukuranipun alit saha sederhana ukiran saha hiasanipun. Bangunan Candhi awujud bujur sangkar, landasan candhi gadhah pager sarta tangga, saha celah mlebet kanthi hiasan antefiks kaukir Kala. Ruang lebetipun wonten arca Ganesha, Nandi, sarta Lingga-Yoni.[5]. Dumugi sakmenika para ahli taksih mrakirakaken bilih gaya arsitektur saha sajarah candhi punika asipat sederhana. Badan, tiang, sarta atap candi dipunprakirakaken saking kayu utawi bahan organik sanesipun ingkang gampil lapuk, sarta sampun musna tanpa bekas. Bentuk asli candhi punika sami kaliyan Pura Hindu Bali kanthi atap Meru ingkang kadamel saking kayu, sirap, utawi ijuk. Benten kaliyan candhi Prambanan, candhi nalika kerajaan ingkang megah saha ukiranipun endah, candhi Pustakasala namuing candhi desa ingkang sederhana ingkang dipunbangun dening masyarakat umum.[6].

Cathetan Suku[sunting | sunting sumber]

  1. ^ (id)[1](dipunundhuh tanggal 4 November 2012)
  2. ^ (id)[2](dipunundhuh tanggal 4 November 2012)
  3. ^ (id)[3](dipunundhuh tanggal 4 November 2012)
  4. ^ a b (id)[4](dipunundhuh tanggal 4 November 2012)
  5. ^ (id)[5](dipunundhuh tanggal 4 November 2012)
  6. ^ (id)[www.pikiran-rakyat.com/node/124138](dipunundhuh tanggal 4 November 2012)
Sumber artikel punika saking kaca situs web: "http://jv.wikipedia.org/w/index.php?title=Pustakasala&oldid=835015"