Pulo Weh
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
| Pulo Weh |
|---|
Pulo Weh inggih punika salah sawijining pulo ing Indonésia ingkang dunungipun kalebet ing tlatah Sumatra. Pulo punika naté kehubung kaliyan pulo Sumatra, nanging lajeng kapisah déning laut sabibaripun wonten gunung ingkang njeblug nalika jaman Pleistosen.[1] Pulo punika dumunung ing Laut Andaman. Kutha ingkang paling ageng wonten ing Puklo Weh, Sabang, inggih punika kutha ingkang dumunung ing sisih paling kilén ing nagara Indonésia.[1]
Pulo punika misuwur kanthi ekosistemipun. Pamarentah Indonésia sampun netepaken wewengkon tebihipun 60 km² saking pinggir pulo malebet ugi meng njawi pulo minangka suaka alam. Hiu bermulut besar saged kapanggih ing pasisir pulo punika. Kajawi punika, pulo punika minangka satunggalipun habitat kodhok ingkang statusipun sampun kaancem cures, Bufo valhallae (génus Bufo). Terumbu karang ing sakanan kiringipun pulo dipunmangertosi minangka habitat manéka jinis iwak.[2]
Géografi[besut | besut sumber]
Pulo Weh dumunung ing Laut Andaman, papanipun kalih kelompok kapuloan, inggih punika KapuloanNikobar saha KapuloanAndaman, kasebar wonten ing satunggal garis saking Sumatra dumugi lempeng Burma. Laut Andaman dumunung ing lempeng tektonik alit ingkang aktif. Sistem sesar ingkang jangkep saha kapuloanbusur vulkanik sampun kadhapur ing laut déning éwah-éwahaning lempeng tektonik.[2]
Pulo punika kabentang kanthi dawa 15 kilomèter (10 mil) ing pucuk paling lèr saking Sumatra. Pulo punika naming pulo alit kanthi jembaring wewengkon antawis 156,3 km², nanging gadhah kathah pagunungan. Puncak paling inggil wonten ing pulo punika inggih sawijining gunung geni fumarolik kanthi inggil antawis 617 mèter (2024 suku).[1] Letusan terakhir gunung ini diperkirakan terjadi pada jaman Pleistosen. Akibat saking jeblugan gunung punika,sapérangan saking gunung punika risak, kaisén déning laut saha kadhapur pulo ingkang kapisah.[1]
Wonten ing sembilan mèter (29,5 kaki) ing ngandhap laut saking kutha Sabang, fumarol ngandhap laut medal saking dhasar laut.[3] Kerucut vulkanik saged kapanggih ing alas. Wonten 3 wewengkon solfatara: satunggal dumunung 750 mèter pérangan tenggara saking puncak saha ingkang sanèsipun dumunung 5 km saha 11,5 km pérangan barat laut saking puncak ing pasisir kilén teluk Lhok Perialakot.[3]
Wonten sekawan pulo alit ingkang ngubengi Pulo Weh: Klah, Rubiah, Seulako, saha Rondo. Saking sekawan pulo, Rubiah misuwur minangka papan pariwisata nyilem amargi terumbu karangipun. Rubiah dados papan ampiran warga Muslim Indonésia ingkang nindakaken haji laut sadéréngipun saha sasampunipun saking Mekah.[4]
Cathetan suku[besut | besut sumber]
- ↑ a b c d e "Pulau Weh". Global Volcanism Program. Smithsonian Institution. Dibukak ing 2006-11-16.
- ↑ a b Curray, J.R. (2005). "Tectonics and history of the Andaman Sea region". Journal of Asian Earth Sciences. 25 (1): 187–232. doi:10.1016/j.jseaes.2004.09.001.
- ↑ a b "Pulau Weh Volcano, Indonésia". John Seach, an Ostralin volcanologist. Diarsip saka sing asli ing 2006-08-20. Dibukak ing 2006-11-23.
- ↑ "Weh Island, a piece of land from heaven". Kantor Pariwisata Acèh. Diarsip saka sing asli ing 2013-01-13. Dibukak ing 2006-11-30.