Pulo Sambu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Koordinat: 1°9′18.85″N 103°54′2.24″E / 1.1552361°N 103.9006222°E / 1.1552361; 103.9006222

Pulo Sambu

Pulo Sambu inggih salah satunggaling pulo ing Indonésia ingkang letakipun caket kaliyan pulo Batam wonten ing Kapuloan Riau[1]. Pulo Sambu kalebet ing kecamatan Belakangpadang Batam, kalabet wilayah pamarentahanipun propinsi Kapuloan Riau.[1] Pulo Sambu punika kalebet salah satunggaling pulo ingkang gadhah tambang minyak bumi ingkang ageng, pramila pulo sambu dados salah satunggaling pulo pemasok minyak bumi ingkang paling ageng.[1] Rumiyin pulo Sambu namung dipundadosaken wilayah makarya PT. SHELL ingkang sakmenika gantos nama dados PT. Pertamina. [1] Ananging sakpunika sampun wonten pendhudhuk ingkang dumunung ing pulo punika.[1] Pulo Sambu sejatosipun gadhah nilai-nilai historis, cariyos historis kanggé bangsa Indonésia amargi wekdal rumyin pulo punika naté dados bèntèng pertahananipun rakyat Indonésia saking Walanda nalika jaman penjajahan.[1]

Sajarah[sunting | sunting sumber]

Pulo Sambu inggih kalebet salah salah satunggaling kitha ingkang sampun dangu yuswanipun ing kapuloan Riau. [1] Miterat sajarahipun, Pulo Sambu panci sampun dipunangen-angen kala rumiyin dados terminal minyak PT. Pertamina wiwit taun 1897, mliginipun nalika tanggal 16 Agustus 1897.[2] Dados menawi dipunetang, yuswanipun Pulo Sambu sampun dumugi langkung saking 100 taun. [2]Minangka kitha ingkang sampun dangu yuswanipun, pulo Sambu gadhah daya pikat ingkang endah sae kagem para juru poto ing Kapuloan Riau. [1] Kathah arsitektur ingkang sae ing pulo Sambu punika.[2]

Arsitektur[sunting | sunting sumber]

Ing Pulo Sambu kathah bangunan ingkang unik amargi sampun dangu yuswanipun. [3] Bangunan-bangunan tua ingkang wonten ing Pulo Sambu kala rumiyin dipunbangun dening PT. Pertamina. [3] Déné bangunan-bangunan ingkang madeg kadosta menara selamat datang ingkang dipunjangkepi kaliyan pernak-pernik kuda laut, wisma, Kantor Pos, gedung bioskop, griya sakit Pertamina, saha wonten saperangan prasasti telapak tangan para manager operasional Pertamina kangge Pulau Sambu.[3] Wonten ing pulo Sambu ugi saged menangi wontenipun saperangan bunker minyak gadhahipun PT. Pertamina.[3]

Bangunan Tua[sunting | sunting sumber]

Wonten ing Pulo Sambu, wonten satunggaling bangunan ingkang dipunsebat Sambu Ria. Sambu ria punika kala rumiyin dipun ginakaken kagge papan nggelar wayang gambar, utawi kados bioskop kanthi layar tancep. Dene layar ingkang dipunginakaken wonten ing gedung punika inggih bangunan tembok ipun. Wonten ing ppan punika ugi asring dipunginakaken kangge papan nggelar rapat koordinasi menawi badhe dipun adani latiyan gabungan penanggulangan lisah sesarengan kaliyan Singapura. Menawi sak punika, gedung Sambu Ria punika taksih dipun ginakaken warga kangge papan karaoke ing pungkasaning peken utawi dipun ginakaken ugi kangge papan resepsi nikahanipun warga Sambu. Kejawi wontenipun bangunan Sambu Ria, ing Pulo Sambu punika ugi wonten tilaran sajarah kados makam Bugis. Makam Bugis punika wujudipun sampun usang, kucel sanget saha sampun dangu kawontenanipun. Makam Bugis punika dipun damel saking watu pualam, kados nisan ingkang wonten ing Pulo Penyengat Indera Sakti.

Cathetan Suku[sunting | sunting sumber]

  1. ^ a b c d e f g h (id)[1](dipunundhuh tanggal 20 Oktober 2012)
  2. ^ a b c (id) [2] (dipunundhuh tanggal 20 Oktober 2012)
  3. ^ a b c d (id)[3](dipunundhuh tanggal 20 Oktober 2012)
Sumber artikel punika saking kaca situs web: "http://jv.wikipedia.org/w/index.php?title=Pulo_Sambu&oldid=834769"