Pulo Florès
Pulo Florès, saking basa Portugis ingkang ateges "kembang" kalebet wonten ing Provinsi Nusa Tenggara Wétan, Indonésia.[1] Flores kalebet wonten ing gugusan KapuloanSunda Kecil sareng kaliyan pulo Bali saha Nusa Tenggara Kulon, kanthi jembaring wewengkon kirang langkung 14.300 km². Penduduk wonten ing Flores, awit taun 2007, dumugi 1,6 yuta jiwa. Puncak paling inggil wonten ing pulo Flores inggih punika Gunung Ranakah (2350m) ingkang minangka gunung paling inggil angka kalih wonten ing Nusa Tenggara Wétan, sasampunipun Gunung Mutis, 2427m wonten ing Timor Barat. Pulo Flores kaliyan Pulo Timor, Pulo Sumba kaliyan KapuloanAlor minangka sekawan pulo paling ageng wonten ing Provinsi Nusa Tenggara Wétan ingkang minangka salah satunggaling provinsi kepuloan ing Indonésia kanthi 566 pulo. Flores, kanthi jembar wewengkon, cacahing warga sarta sumber daya (alam ewadéné manungsanipun) ingkang sampun nyekapi, sapunika tembé nyiapaken dados provinsi pemekaran ing Nusa Tenggara Wétan.[2]
Wonten ing sisih kilèn saha wétan Pulo Flores wonten gugusan pulo alit. Ing sisih wétan wonten gugusan Pulo Lembata, Adonara saha Solor, déné ing sisih kilén wonten gugusan Pulo Komodo saga Rinca. ing sisih kilén pulo Flores, sabibaripun gugusan pulo-pulo alit mau, wonten pulo Sumbawa (Nusa Tenggara Barat), déné ing sisih wétan sabibaripun gugusan pulo-pulo alit mau, wonten kapuloanAlor. Ing sisih tenggara wonten pulo Timor. Ing sisih barat daya wonten pulo Sumba, Ing sisih kidul wonten laut Sawu, ing sisih lèr, ing sebrang Laut Flores wonten Pulo Sulawesi.[3]
Suku bangsa Flores inggih punika minangka campuran ètnis antawising Melayu, Melanesia, saha Portugis. Amargi naté dados Koloni Portugis[4], saéngga interaksi kaliyan kabudayan Portugis kraos sanget wonten ing kabudayan Flores, saking genetik, agama, saha budaya.[3]
Administrasi[besut | besut sumber]
Flores minangka péranganing provinsi Nusa Tenggara Wétan. Pulo punika kapérang dados wolu kabupatèn; saking kilén tumuju wétan kados punika: Manggarai Barat kanthi kutha krajan Labuan Bajo, Manggarai kanthi kutha krajan Ruteng, Manggarai Timur kanthi kutha krajan Borong, Ngada kanthi kutha krajan Bajawa, Nagekeo kanthi kutha krajan Mbay, Ende kanthi kutha krajan Ende, Sikka kanthi kutha krajan Maumere,Flores Timur kanthi kutha krajan Larantuka, saha kabupatèn lembata kanthi kutha krajan lewoleba.[5]
Géografi[besut | besut sumber]
Flores gadhah manéka gunung berapi aktif saha mati, kalebat Egon, Ilimuda, Lereboleng, Lewotobi, sarta ile Ape (lembata)[5]
Cathetan suku[besut | besut sumber]
- ↑ [1](dipunundhuh tanggal 8 Oktober 2012)
- ↑ [2] Archived 2012-07-06 at the Wayback Machine.(dipunundhuh tanggal 8 Oktober 2012)
- ↑ a b [3] Archived 2012-03-22 at the Wayback Machine.(dipunundhuh tanggal 8 Oktober 2012)
- ↑ [4] Archived 2012-11-30 at the Wayback Machine.(dipunundhuh tanggal 8 Oktober 2012)
- ↑ a b [5][pranala mati permanèn](dipunundhuh tanggal 8 Oktober 2012)