Prasasti Wurare

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Prasasti Wurare, katon saka sisih kiwa.
Prasasti Wurare, katon saka mburi.
Prasasti Wurare, katon saka tengen.

Prasasti Wurare yaiku salah sawijiné prasasti kang isiné mèngèeti penobatan arca Mahaksobhya ing sawijining panggonan kang arané Wurare (saéngga prasastiné diarani Prasasti Wurare). Prasasti iki ditulis ing basa Sansekerta lan tarikhé 1211 Saka utawa 21 November 1289.[1] Arca kasebut minangka pakurmatan lan pralambang kanggo Raja Kertanegara saka kerajaan Singasari, kang dianggep dèning trahé wis ngancik drajat Jina (Buddha Agung). Déné tulisan prasastiné dumunung ing alas rapik arca Buddha kasebut, kang ditulis mubeng ing bagéyan ngisoré.

Prasasti iki bentuké sajak 19 pada, kang ing antarané nyritakaké babagan sawijining pendeta sekti jenenge Arrya Bharad kang nyigar tlatah Jawa dadi rong kerajaan kanthi banyu ajaib saka kendhiné. Saéngga saben sigaran dadi Janggala lan Pangjalu. Nyigaré kuwi ditindakak kanggo ngindhari perang sedulur antarané pangeran loro kang pengin ngrebutaké kekuwasaan.[2][3]

Arca wiwit ditemokaké ing laladan Kandang Gajak. Kandang Gajak kalebu ing laladan désa Bejijong, Kecamatan Trowulan, Kabupaten Mojokerto. Ing taun 1817, arca dipindhah menyang Surabaya dening Residen Baron A.M. Th. de Salis lan saiki ana ing Taman Apsari, celak pusat kutha Surabaya, Jawa Wétan.[4]

Deleng uga[sunting | sunting sumber]


Cathetan suku[sunting | sunting sumber]

  1. ^ H. Kern, De Sanskrit-inscriptie van het Mahaksobhya-beeld te Simpang (stad Surabaya, 1211 Saka) VG, VII, 1917, hlm. 187-189.
  2. ^ Prasasti Wurare, bait ke-3 s.d. ke-6.
  3. ^ Poesponegoro, Marwati Djoened, Nugroho Notosusanto. Sejarah nasional Indonesia II: Zaman kuno, cet. 2 (Edisi Pemutakhiran), Jakarta, Balai Pustaka, 2008. Diakses 24 Februari 2012.
  4. ^ Wisata Religi: j. Joko Dolog, Situs Resmi Pemerintah Kota Surabaya, www.surabaya.go.id. (Diundhuh 24 Februari 2012)
Sumber artikel punika saking kaca situs web: "http://jv.wikipedia.org/w/index.php?title=Prasasti_Wurare&oldid=836417"